Русский  >>  فارسی  >>  Сешанбе 6 декабр 2016, 05:46

Виборов: Вазъи Қазоқистон дар қиёс ба Тоҷикистон ваҳимтар аст

4 октябр 2011, 09:25

Ду ниҳоде, ки алайҳи нашъа ва нашъаҷаллобӣ дар Тоҷикистону Қазоқистон мубориза мебаранд, созишномаи ҳамкории дуҷониба имзо карданд.


Тибқи иттилои расида, як чунин санади тафоҳум миёни кумитаи мубориза бо муомилоти ғайриқонунии воситаҳои нашъаовар, моддаҳои психотропӣ ва прекурсорҳои ВКД Қазоқистон ва агентии назорат аз болои маводи нашъадори Точикистон имрӯз дар Душанбе ба тасвиб расид. Созишномаи мазкурро Рустам Назаров аз ҷониби ҷумҳурии мо ва Анатолий Виборов, раиси кумитаи номбурда аз Қазоқистон имзо карданд.

Генерал Назаров дар маросими мазкур гуфт, ин санад  аввалин  ҳамкорӣ миёни  вазорати корҳои дохилии ҷумҳурии Қазоқистон ва агентии назорати маводи нашъаовари назди президенти ҷумҳурии Тоҷикистон оид ба ҳамкорӣ дар мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳо мебошад. Ҳамчунин қайд кард, ки вазъи имрӯзаи маводи мухаддир дар кишварамон аз вазъи маводи мухаддири  кишвари Афғонистон вобастагӣ дорад. Зеро Тоҷикистон кишвари транзитӣ маҳсуб мегардад, ки қочоқчиён бо роҳи шимол маводи мухаддирро интиқол медиҳанд.

Анатолий Виборов, раиси кумитаи мубориза зидди маводи мухаддири  Қазоқистон дар навбати худ қайд кард, ки созишномае, ки имрӯз ба имзо расид,  ҳамкориҳои ду кишварро  дар доираи муоҳадаҳои зиддинашъа дар оянда боз ҳам мустаҳкамтар мегардонад. Имрӯза вазъи  маводи мухаддири Қазоқистон дар қиёс ба Тоҷикистон ваҳимтар аст. Тибқи маълумоти расмӣ, феълан дар Қазоқистон ҳудуди 46 ҳазор нафар шаҳрванд аз маводи мухаддир вобаста аст. Ин нишондод нисбат  ба солҳои сипаришуда қоҳиш ёфтааст, вале масъулини Қазоқистон талош доранд, то ин мушкил аслан баратарф шавад,-гуфт Анатолий Виборов.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!