24 апр 2015 12:40Тоҷикистон / Иҷтимоӣ / Тема дня

Мақомоти тоҷик: Амалиёт алайҳи Нагебини кушташуда бо дархости Русия буд

Вазорати умури дохилии Тоҷикистон мегӯяд, амалиёти боздошти Нагебин Семён Михайлович соли таваллудаш 1987, зодаи ҷумҳурии Қирғизистон ва истиқоматкунандаи шаҳри Челябинск, ки шоми 23-юми апрел аз тири маъмурини пулиси тоҷик дар ноҳияи Панҷ кушта шуд, бо дархости Федератсияи Русия сурат гирифтааст.

Тибқи иттилои ин ниҳод Нагебин барои ғоратгарӣ дар Русия соли 2013 ба зиндон маҳкум шуда, баъди раҳоияш зери назорат қарор дошт: “Аммо ноябри соли 2014 аз Русия фирор кардааст ва мақомоти Русия аз Тоҷикистон дархост кардаанд, ки ӯро боздошт ва ба Русия истирдод кунад. Зимни амалиёти боздошт 15-уми апрел Нагебин талоши фирор кардааст ва маъмурини пулис ба пои ӯ тир холӣ кардаанд. Ӯ барои табобат дар беморхонаи марказии ноҳияи Панҷ бистарӣ шуд, аммо як ҳафта пас силоҳи милисаҳои посбонашро гирифта, фирор кардааст”.

Вазорати умури дохилӣ мегӯяд, тақрибан соати 16:50 дақиқаи рӯзи 23-юми апрел Нагебин бо тахаллуси “Салим” ба кормандони мақомоти ҳифзи ҳуқуқ муқовимати мусаллаҳона нишон дода, “аз ҷониби кормандони ШВКД дар ноҳияи Панҷ парронида, нобуд карда шуд”.

Мақомоти тоҷик афзуданд, ки Нагебин ният доштааст, тариқи қаламрави ноҳияи Панҷ ғайриқонунӣ марзро убур карда, ба Афғонистон фирор кунад, аммо маъмурини пулис монеи ин кораш шудаанд.

Мӯҳр

Хабарҳои монанд:

Mufatish

... Ӯ барои табобат дар беморхонаи марказии ноҳияи Панҷ бистарӣ шуд, аммо як ҳафта пас силоҳи милисаҳои посбонашро гирифта, фирор кардааст”.

I gapa ay cho yoften??????

Ҷавоб диҳед Иқтибос Шикоят

Саид

Ин милисахо хоб буданд, ки писталеташонро дуздидааст? Хай маълумас милисахои мо риштароширо хуб метонанд, сатр гириро аз ухдааш мебароянд ва ба сари мардуми камбагала додзадаву дела кардан аз дасташон меояд ба мисли нозирони рох яъне гаи! Лекин чинояткор тапончашона мегиранд дарак намеёбанд! Хандаовар ин гапро нагуед!

Ҷавоб диҳед Иқтибос Шикоят

Эзоҳ илова кунед