Душанбе: Ҳукми модари "сабукпо", ки тифлаш аз гуруснагӣ мурдааст
Додгоҳи ноҳияи Фирдавсӣ М. Алиеваро, ки дар Душанбе ба танфурӯшӣ машғул будаасту тифли аз шаҳрванди Афғонистон таваллудкардааш аз гуруснагӣ мурдааст, ба 2 соли зиндон маҳкум кард.
Тибқи иттилои додгоҳ Алиева аз хонаи падару модараш аз ноҳияи Қумсангир ба шаҳр омада, ба танфурӯшӣ машғул шудааст: “Дар ин шуғл аз марде бо номи Арсалом-шаҳрванди Афғонистон охири соли 2012 духтарча таваллуд кардааст, аммо вазифаи модарияшро ба ҷо наоварда, овораи корҳои фаҳш будааст”.
Манбаъ афзуд, дар пайи бепарвоии модар тифли хурдсол дар қаровулхонаи Идораи мудофиаи гражданӣ дар маҳаллаи Гулбуттаи шаҳри Душанбе фавтидааст: “Худи модарро кормандони шуъбаи корҳои дохилӣ танҳо баъди се рӯз пайдо карданд”.
Додгоҳи ноҳияи Фирдавсӣ бо такя ба хулосаи ташхисӣ-судии Вазорати тандурустӣ афзуд, ки кӯдак дар натиҷаи беғизоӣ ва маризии илтиҳоби ду тарафи шуш вафот кардааст: “Дар пайи омӯзиши қазия Алиева ба 2 соли зиндон маҳкум шуд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |