Русский  >>  فارسی  >>  Якшанбе 11 декабр 2016, 18:56

Профессор Баҳриддин Камолиддинов дар фурудгоҳи Душанбе

5 октябр 2011, 07:19

Бахшида ба рӯзи забони давлатӣ, ки 5-уми октябр дар сартосари кишвар ҷашн гирифта мешавад, дар фурудгоҳи байналмилалии Душанбе, профессор Баҳриддин Камолиддинов, забоншиноси маъруф бо намояндагони фурудгоҳи мазкур мулоқот анҷом дод.


Аз маркази матбуотии ин фурудгоҳ ба хабаргузории «Озодагон» иттиллоъ доданд, ки Баҳриддин Камолидинов, зимни мулоқоташ оид ба сабабҳои қабул шудани қонун дар бораи забони давлатӣ, раванди амалӣ шудани он ва натиҷаҳои бадастомада маълумот додааст. Номбурда қайд намудааст, ки забон бақои миллат аст ва ниёз ба ғамхорӣ, ғанигардонӣ,  сайқалдиҳӣ ва риояи меъёрҳои истифодабарӣ дорад. Сарчашмаи манбаъ, хабар дод, ки профессор Камолиддинов дар ин ҳамоиш иброз доштааст, ки халқият ва қавму қабилаҳои зиёде дар таърихи мавҷудияти худ аз забони хеш маҳрум гаштаанд ва чунин хатар ба сари забони тоҷикӣ низ борҳо омадааст: « Бо омадани арабҳо ва қавму қабилаҳои зиёди бодиянишин ва кӯчӣ, хосатан муғулҳо ба забони тоҷикӣ зарбаҳои сахт расидааст. Ҳатто замони ҳокимияти шӯравӣ, ки барои миллати тоҷик давраи хуби инкишофи маданияту санъат ва пешрафти илмӣ ҳисоб мешавад, забони тоҷикӣ зарбаҳои ноаён хӯрдааст. Бо фарорасии айёми бозсозӣ миллати бедори тоҷик тавонист аз забони худ ҳимоят намояд ва сари вақт қонун «Дар бораи забон»-ро  қабул намуд» Профессор Баҳриддин Кмаолиддинов дар сӯҳбат бо кормандони фурудгоҳи байналмилалии Душанбе оид ба хизматҳои шоёни бузургони миллати тоҷик -Саидризо Ализода, Бобоҷон Ғафуров, Садриддин Айнӣ, Мирзо Турсунзода, Муҳаммадҷон Шакурӣ мисолҳои зиёде оварда таъкид намуд, ки барои ҷовидонӣ нигоҳ доштани забони тоҷикӣ ҳар як фарди тоҷик бояд кӯшиш намояд, зеро забон бақои миллат аст.{jathumbnail off}



Шарҳи худро бинависед:

Ном:*
E-Mail:
Матни шарҳ:
Посух додан
  • КАМОЛ

  • 25 феврал 2014 12:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин Бахриддин камолиддинов ин кадар фаъол шудааст. дар замони хондани мо дар назди устодон АБдунаби Сатторов, Хомид Мачидов ,Рахим Мусалмонкул, Ш Хусейнзода , Д. Точиев Мукарамма Косимова инкас хеч эътиборе надошт. Таълими услубу забонашон ба мо тарчумонхо дар Афгонистон кор надод. зеро шеваи омехтаи узбакияш дар он чо боиси ханда маешуд. Холо пайгамбари забон шудаааанд.. воачабо таърих дия....

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!