(АКСУ ВИДЕО) Фурӯшандаи "Пойтахт 90": дар орзуи харидорем
Ҷалол Ҷалолов, соҳибкори бозори “Шоҳмансур”, ки ҳафтае қабл ба Маҷмаи савдои “Пойтахт 90” кӯчидааст, мегӯяд, шароити бозор беҳтар аст, аммо савдо равнақ надорад. Ба қавли ӯ, “шароити ин бозор нисбат ба бозори “Шоҳмансур” хеле беҳтар аст. Аммо рафту омад ва савдои мардум кам аст. Барои он кам аст, ки мардум намедонад, дар бозори “Пойтахт 90” маҳсулоти кишоварзиву меваи хушк дар фурӯш аст”.
Ин соҳибкор мегӯяд, бо далели кам будани харидор нархҳо инҷо нисбат ба “Шоҳмансур” арзонтар ҳастанд: “Барои он ки савдо кам аст, баъзе соҳибкорон ба зарари худ маҳсулоташонро фурӯхта истодаанд”. Соҳибкори дигар, ки аз гуфтани номаш худдорӣ кард, мегӯяд рӯзе дар ин бозор 50 сомонӣ савдо мекунад, ки барои харҷи рӯзгораш басанда нест: “Намедонам, ки пули иҷораро диҳам ё ба фарзандонам ягончи бихарам? Дар орзуи харидорем”.
Афзал Кабиров, соҳибкори дигар ҳам гуфт, аз чаҳор рӯзи пеш дар Маҷмаи савдои “Пойтахт 90” ба тиҷорат пардохтааст. Ӯ мегӯяд, “муштариҳои мо ба бозори “Шоҳмансур” мераванд, аммо онҷо холӣ аст. То мардум одат мекунад, ки мушкил аст”.
Мунаввара Набиева дар суҳбат ба хабарнигори “Озодагон” гуфт, рӯзе дар бозори “Шоҳмансур” то 500 сомонӣ савдо мекард, аммо ин ҷо харидор кам аст: “То 200- 300 сомонӣ савдо мекунем, вале баъзе рӯзҳо умуман чизе фурӯхта наметавонем”. Ӯ дар идома гуфт, агар тиҷорат дар ин бозор ба зарараш пеш равад, маҷбур аст, савдоро қатъ кунад.
Нигаронии соҳибкорон дар ҳолест, ки тибқи қарори шаҳрдорӣ фурӯши маҳсулоти хушкмева дар бозори “Шоҳмансур” манъ шуда, соҳибкорон ба Маҷмаи савдои “Пойхтат 90” интиқол дода шуданд. Баъди судури ин фармон бархе аз соҳибкорон фаъолияти тиҷоратиашонро қатъ карда, ба муҳоҷирати меҳнатӣ -- Русия рафтаанд.
Маркази савдои “Пойтахт 90”, дар кӯчаи Меҳнати пойтахт воқеъ буда, бо 194 миллион сомонӣ аз буҷаи шаҳри Душанбе бунёд шудааст. Расми баҳрабардорӣ аз он 5 сентябри соли 2014 бо иштироки Эмомалӣ Раҳмон, раисиҷумҳури Тоҷикистон сурат гирифта буд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
