21 май 2015 11:01Тоҷикистон / Фарҳангу адаб / Дидгоҳи хос

Нишони тилои Анҷумани Нурсултон Назарбоев ба Сафар Абдуллоҳ

Сафар Абдуллоҳ, донишманди тоҷики муқими Қазоқистон аз сӯи Анҷумани мардуми ин кишвар, ки раҳбарии онро Нурсултон Назарбоев бар уҳда дорад, бо нишони тилои “Ваҳдат” қадрдонӣ шудааст.

Рӯзи 20 май зимни маросиме таъкид гардидааст, ки ин нишон ба хотири саҳми бузурги Сафар Абдуллоҳ дар рушди фарҳанг ва таҳкими дӯстиву рафоқат миёни мардум тақдим мешавад.

Ба гуфтаи Бекпӯлод Тошпӯлодов, раиси ҷамъияти тоҷикони шаҳри Алмаато, ин нишон ба донишманди тоҷик дар асоси фармони раисҷумҳури Қазоқистон тақдим гардидааст. Тошпӯлодов мегӯяд, ин иқдом барои ҳамаи тоҷикони муқими Қазоқистон боиси ифтихор мебошад. Ӯ таъкид кардааст, Сафар Абдуллоҳ бо пажуҳишҳои пурарзиш ва кору осори хеш дар рушди фарҳанги Қазоқистон ва нерӯманд гардидани дӯстӣ байни ақвоми ин сарзамин саҳми арзанда гузошта, мояи ифтихори тоҷикони ин минтақа аст.

Сафар Абдуллоҳ аз ҷумлаи шахсиятҳои камназирест, ки дар бахшҳои гуногуни ҳаёти кишвар хидмати мондагор мекунад. Ӯ профессори Донишгоҳи забонҳои ҷаҳон ва равобити байналмилалии ба номи Абилайхони Қазоқистон, бунёдгузор ва сардабири фаслномаи “Эроннома” ба забони русӣ ва ҳамчунин мудир ва сардабири нашриёти “Китобхонаи Олҷас” буда, беҳтарин намунаҳои адабиёти ҷаҳонро дар ин нашриёт ба чоп расонидааст.

Сафар Абдуллоҳ муаллифи даҳҳо асари пурарзиши илмӣ ва адабӣ монанди “Нури сухан”, “Магические мосты”, ”Магия Слова”, “Муъҷизаи Наврӯз” , “Марсияи Хуршед” , “Рӯшаноии сухан” “Фарҳанги тахассусии русӣ форсӣ ва форсӣ русӣ” , ”Каталог персоязычных рукописей“ ва ғайра мебошад. Бо талоши ӯ дар нашриёти “Китобхонаи Олҷас” дар қатори беҳтарин осори суханварони ҷаҳон, гузидаи чанд шоиру нависандаи тоҷик монанди Муъмин Қаноат, Темур Зулфиқоров ва Баҳманёр ба чоп расидааст.

Мӯҳр

Хабарҳои монанд:

Офарин аз дур бошад хам обруи ин миллатро баланд бардошти.

Ҷавоб диҳед Иқтибос Шикоят

Рустам аз Фархор

Устод Абдуллоро бо ин нишони тилоии "Вахдат" аз номи мардуми Фархор табрик гуфта ва умри дарози бобаракат хохонам. Рахмати Худо бар шуммо ки номи точиконро баланд кардед. Аллох йору мададгорат бошад.

Ҷавоб диҳед Иқтибос Шикоят

Муаллим

ТиЛЛо. Дуто Л бояд навишт.

Ҷавоб диҳед Иқтибос Шикоят

Фируз

Муборак бошад Устод! Моро хеле хушхол кардед.

Ҷавоб диҳед Иқтибос Шикоят

Артуч

Нишони тиллои муборак устоди гиромикадр!!! мо бо ин чоиза Шумо фарх мекуним)))))))))))

Ҷавоб диҳед Иқтибос Шикоят

Исмати

Офарин ба шери нарри дехаи Артуч! Панчакенти бостони бо чунин абармардонаш ифтихор мекунад... Чаноби Сафар Абдулло барои чи ба Точикистон омада кору зиндаги намекунад?

Ҷавоб диҳед Иқтибос Шикоят

Мухаммад

Хучаста бод Устоди гироми

Ҷавоб диҳед Иқтибос Шикоят

Иззат

Вокеан чаро шумо "тилло"-ро бо як "л" менависед? Аккалан як ба фарханги забони точики нигаред.

Ҷавоб диҳед Иқтибос Шикоят

хонанда

Сафар Абдулло хизмати мардуми казокро карда гаштааст. Хамаи талошхояш ба хотири унвону нишонхост, на ба хотири пешравии мардуми точик! Чаро у аз кору фаъолият дар Точикистон ор мекунад?

Ҷавоб диҳед Иқтибос Шикоят

Дурридарисанч

Вожаи Тило ё Тало ташдид надорад - Тало -т-ало ё хамон т-алий ( сурх) аз забони форсии кадим ба забони араби ворид шуда мисли вожахои дил, ишк , фирдавс ва гайра (аслан решаи авастои доранд ва баъд бо ворид шудан ба забонхои соми хусусан араби шакли муарраб касб кардаанд) Тило низ дар шакли арабиаш طلا аст ки ташдид надорад

Ҷавоб диҳед Иқтибос Шикоят

Комил

Исмати охир дар Точикистон дар хазор сол сохиби тилло ва кадр намешавад.

Ҷавоб диҳед Иқтибос Шикоят

Эзоҳ илова кунед