Русский  >>  فارسی  >>  Якшанбе 4 декабр 2016, 06:56

Ҳамрохон Зарифӣ дар раъси як ҳайати ҳукуматӣ озими Қатар шуд

10 октябр 2011, 03:45

Ҳайати ҷумҳурии Тоҷикистон таҳти роҳбарии вазири корҳои хориҷӣ Ҳамрохон Зарифӣ ҷиҳати ширкат дар ҷаласаи 10-уми шӯрои вазирони корҳои хориҷии кишварҳои узви муколамаи ҳамкории Осиё ба Қувайт парвоз кард.


Тавре ба хабаргузории «Озодагон» аз дафтари матбуотии ВКХ иттилоъ доданд, нишасти мазкур рӯзҳои 10-ум ва 11-уми октябр дар ин кишвар ҷараён мегирад.Манбаъ ҳамчунин афзуд, ҷаласаи 11-ум ШВКХ-и муколамаи ҳамкории Осиё соли 2012 дар шаҳри Душанбе сурат хоҳад гирифт.

Гуфтанист, муколамаи ҳамкории Осиё моҳи июни соли 2002 бо ташаббуси Тайланд оғоз ёфт, ки дар чаҳорчӯби он 1-умин ҷаласаи вазирони корҳои хориҷии кишварҳои Осиё баргузор гардид. Он аз ҷониби 18 кишвари осиёӣ таъсис дода шуда, дар ҳоли ҳозир аз 31 кишвари узв иборат аст. Муколамаи ҳамкории Осиё форуми аввалини умумиосиёии хос мебошад, ки мақсади он муҳокимаи масъалаҳои ҳамкории минтақавӣ дар соҳаҳои энергетика, кишоварзӣ, биотехнология, сайёҳӣ, коҳиши сатҳи камбизоатӣ, рушди технологияҳои иттилоотӣ, ҳамкории молиявӣ ва ғайра; пешбурди вобастагии мутақобила миёни кишварҳои Осиё дар тамоми соҳаҳои ҳамкорӣ; тавсеаи бозори тиҷоративу молиявӣ дар Осиё; таҳкими иродаи сиёсии ҳукуматҳои осиёӣ дар арсаи байналмилалӣ; дарёфти роҳҳои тақвияти ҳамбастагии кишварҳои Осиё ва имкониятҳо барои таҳияи усулҳои муштарак дар ҳалли масъалаҳои мухталиф; муттаҳидсозии иқтидорҳои кишварҳои Осиё ва густариши рақобати иқтисодии қитъаи Осиё дар бозори ҷаҳонӣ тавассути афзоиши максималии танаввӯъ ва бойигарии захираҳои он мебошанд.

Маврид ба тазаккур аст, ки Тоҷикистон ба муколамаи ҳамкории Осиё 5 июни соли 2006 ҳамроҳ шуд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!