06 июл 2015 11:04Тоҷикистон / Сиёсат

АКС: Насиҳати Э.Раҳмон ба прокурорҳои навтаъин: Аз наздикӣ ба мардум то ҷилавгирӣ аз фасод

Эмомалӣ Раҳмон, раисиҷумҳури Тоҷикистон, имрӯз, 6-уми июл як қатор тағйироти кадриро дар мақомоти прокуратура ва дигар ниҳодҳои давлатӣ амалӣ кардааст.

Тибқи иттилои дафтари матбуоти раисиҷумҳури Тоҷикистон аз ҷумла Қурбонзода Шариф Ҳабибулло сардори Раёсати назорати иҷрои қонунҳо дар мақомоти корҳои дохилӣ ва назорати маводи нашъаовар таъин шудааст.

Ба иттилои манбаъ Алимардонзода Маҳмудалӣ Амрияздон, ки то ҳол ба ҳайси додситони низомии вилояти Хатлон кор мекард, муовини сарпрокурори ҳарбии ҷумҳурӣ, Муҳаммадӣ Изатулло Сайфуллозода муовини якуми прокурори вилояти Суғд, Солизода Арабшо прокурори шаҳри Хуҷанди вилояти Суғд, Раҳмонзода Анвар Хол прокурори шаҳри Исфараи вилояти Суғд, Арабзода Муҳаммад Хӯҷа прокурори ноҳияи Айнии вилояти Суғд, Сироҷзода Сайфиддин прокурори ноҳияи Темурмалики вилояти Хатлон, Абдусатторзода Умедҷон прокурори шаҳри Нораки вилояти Хатлон, Ҳисориев Маҳмадамин Исматович прокурори нақлиёти Хатлон, Юсуфзода Абдурашид Сангаҳмад прокурори ҳарбии гарнизони Қурғонтеппа ва Собирзода Идибек Қосим прокурори ҳарбии гарнизони Рашт таъин гардиданд”.

Дафтари матбуоти раисиҷумҳур илова кард, ки инчунин Назрӣ Шамсмуҳаммад ва Одинаева Зулфия Ҳомидовна аз вазифаи муовинони вазири нақлиёт озод карда шуданд: “Ёрова Зулфия Маҳмаднабиевна муовини вазири нақлиёт ва Фахруддинов Фарухҷон Неъматович сардори Хадамоти давлатии назорат ва танзим дар соҳаи нақлиёт таъин гардиданд”.

Манбаъ афзуд, Эмомалӣ Раҳмон аз прокурорҳои навтаъин хостааст, ба пурзӯр намудани мубориза бо ҷинояткорӣ, хусусан ҷиноятҳои коррупсионӣ, хариду фурӯши замин, пешгирӣ аз ифротгароӣ ва коҳиш додани ҷинояткорӣ дар миёни ноболиғонро вусъат диҳанд: “Таъкид гардид, ки барои пешгирӣ аз гумроҳшавӣ ва гаравидани ҷавонон ба ҳизбу ҳаракатҳои ифротию тундрав бо ҳамаи мақомоти давлатию ҷамъиятӣ бояд ҳамкорӣ тақвият дода шавад. Эмомалӣ Раҳмон ҳамчунин ҳамаи нафарони ба вазифаҳои баланду пурмасъулият таъингардидаро ба кору хизмати софдилонаю содиқона, тарғибу ташвиқи ҷавонону наврасон ба тарзи ҳаёти солим ва ба ҳифзи шоиста аз манфиатҳои давлати Тоҷикистон даъват намуд”.

Мӯҳр

Хабарҳои монанд:

кулябец

Чи хел насихат? Дар сиёсат насихат намешавад! Талабот ва супориш дар асоси конун!! Насихатро бобои нафакахур ба наберааш мекунад!

Ҷавоб диҳед Иқтибос Шикоят

Хукушинос

Ба устоди гироми Пиров ягон вазифаи пурмасъулият надоданд? Агар устодро кадр кунанд ба ягон вазифаи сазовор фикр мекунам хато намекунанд, чунки устодам чи аз чихати дониш ва чи аз чихати пешравии корхо дар макомот яке аз бехтаринхост. Замоне расидааст, то ки бехтаринхо корро пеш баранд.

Ҷавоб диҳед Иқтибос Шикоят

Самар аз Хучанд

Рост гуфти Хукукшинос ман шахсан ПИРОВро мешиносам ва бисер шахси донишманд ва боадолат аст агар хамаи прокурорхо хамин хел ва мисли Юсуф Рахмон бошад дар Точикистон адолат таъминмешавад ва Корупсия аз байн меравад.

Ҷавоб диҳед Иқтибос Шикоят

Эзоҳ илова кунед