Русский  >>  فارسی  >>  Якшанбе 4 декабр 2016, 04:53

Суғд: Қоҳир Расулзода ба конибодомиҳо мошин тӯҳфа кард

13 октябр 2011, 04:40

Раиси вилояти Суғд ба шаҳри Конибодом сафари корӣ намуда, бо меҳнаткашон ва пахтакорони ин минтақа мулоқот намуд ва дар маъракаи кишти тирамоҳии ғалладонагиҳо ширкат варзид.


Тавре ба хабаргузории «Озодагон» аз хадамоти матбуотии раиси вилоят иттилоъ доданд, Қоҳир Расулзода дар ҷаласаи кишоварзони ноҳия, ки дар бошишгоҳи саҳроии бригадаи рақами 11-и хоҷагии деҳқонии ба номи Энаҷон Бойматова баргузор гардид, иштирок намуда, пахтакорони шаҳрро барои ғалабаи меҳнатӣ, таъмини саривақтии нақшаи солона аз номи мақомоти иҷроияи ҳокимияти давлатии вилоят  табрику муборакбод намуда, барояшон сарбаландию сиҳатмандӣ таманно намуд.

- Деҳқонони қавииродаи Конибодом дар соли таърихии 20-солагии Истиқлолият    баҳри иҷрои дастуру супоришҳои ҳукумат фидокорона меҳнат намуда, ғолибият ба даст оварданд. Ин ғалабаи меҳнатии кишоварзони шаҳр боиси ифтихори тамоми мардуми вилоят мебошад, - таъкид намуд раиси вилоят. Маврид ба ёдоварист, то ба имрӯз кишоварзони шаҳр дар майдони 7 226 гектар пунбадона кишт намуда, ба хирмани «тиллои сафед»-и вилоят зиёда аз 13,3 ҳазор тонна пахта супориданд, ки ин 106,9 фоизи нақшаи солонаро  ташкил медиҳад.Дар рӯёнидани ҳосили бобаракати «тиллои сафед» саҳми тамоми хоҷагиҳои кишоварзию деҳқонон, мутахассисону масъулони соҳа, механизаторону обмонҳо, саҳмдорону ҳашарчиён калон буда, нақши Ассотсиатсияҳои хоҷагиҳои деҳқонии ба номи Маҳмудҷон Назаров, Неъмат Қаробоев, «Патар», «Ирам» ва «Дӯстӣ» хеле зиёд аст.

Зимнан, раиси вилоят ба пешқадамони маъракаи ҳосилғундорӣ, аз ҷумла ба раиси Ассотсиатсияи хоҷагиҳои деҳқонии ба номи М.Назаров Эралӣ Маҳмудов, раиси Ассотсиатсияи хоҷагиҳои деҳқонии “Ирам” Раҳимбой Акрамов, ба механизаторон Ҳамроҳбой Ҳоҷиев аз Ассотсиатсияи хоҷагиҳои деҳқонии ба номи М.Назаров Ҷаҳонгир Толибов аз Ассотсиатсияи хоҷагиҳои деҳқонии “Канди кӯҳан”, ба чинакчиёни пешқадам Малика Расулҷонова аз хоҷагии деҳқонии ба номи Исоев ва Гулсара Абдусамадова аз хоҷагии деҳқонии Нозимсаркор тӯҳфаҳои арзанда – мошини сабукрав, телевизор ва мошини дарздӯзӣ тӯҳфа намуд.

Ҳамчунин аз номи раиси вилоят ба идораи маорифи шаҳр 10 адад компютер ва 2 адад принтер тақдим гардид.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!