Русский  >>  فارسی  >>  Якшанбе 11 декабр 2016, 16:49

Суғд: Хабарнигори «Нури зиндагӣ»-ро 14 сол зиндон карданианд

14 октябр 2011, 04:26

Пас аз зӯҳри имрӯз (14-уми октябр) ҳукми хабарнигори боздоштшуда дар шимоли Тоҷикистон эълом хоҳад шуд.


Тибқи иттилои Саодат Атоева, раиси мурофиаи додгоҳии журналист Муҳаммадюсуф Исмоилов, ахиран дар боздоштгоҳи муваққатӣ (СИЗО)-и шаҳри Хуҷанд сухани охирини рӯзноманигор шунида шуд. Ин дар ҳолест, ки Муҳаммадюсуф Исмоилов худро гунаҳкор нашуморида, иброз доштааст, ки матлабҳои дарҷнамудааш далелу арқоми кофӣ доранд. Хабарнигори нашрияи “Нури зиндагӣ” зимни сухани ниҳоӣ дар додгоҳ боздошти худро амре ба хотири ҷилавгирӣ аз ошкорбаёнӣ ва озодии воситаҳои ахбори омма номид.

Муҳаббат Ҷӯраева, вакили дифои журналистон низ гуфт: "Нафари таҳти ҳимояи ман мақолаҳое навиштааст, ки барои рушди ҷомеаъ мусоидат мекунанд ва нисбат ба ягон мақоми ҳукумати ноҳияи Ашт хусумат ва ҳадафи таҳқир ё тӯҳмати онҳоро ҳам надошт. Вай танҳо хоста буд, он камбудҳои воқеии ҷомеа, ки дар мақолаҳояш бозгӯ кардааст, ислоҳ шавад». Алъон, дар додгоҳи Табошар баррасии парвандаи журналист идома дорад ва чанд рӯз қабл намояндаи додситонӣ барои Исмоилов 16-соли маҳбусӣ талаб карда буд.

Ёдрас менамоем, додгоҳи ноҳияи Ашти вилояти Суғд баррасии парвандаи ҷиноиро алайҳи рӯзноманигори минтақавии ҳафтаномаи «Нури зиндагӣ» Муҳаммадюсуф Исмоилов дар аввали моҳи июни соли равон оғоз карда буд. Ҷумъаи Мирзо, сардабири ин ҳафтанома ҳамон вақт эълом дошт, ки сабаби боз шудани парвандаи ҷиноӣ алайҳи Муҳаммадюсуф Исмоилов ба фаъолияти касбии ӯ рабт дорад, зеро хабарнигор матлабҳои интиқодиеро аз вилояти Суғд омода ва нашр мекард. Бояд гуфт, Муҳаммадюсуф Исмоилов  ба таҳқиру тавҳин ва барангехтани низоъи миллию мазҳабӣ аз сӯи додгоҳи ноҳияи Ашт муттаҳам шудааст. Номбурда ҳанӯз моҳи ноябри соли 2010 боздошт гардида, то ин замон дар боздоштгоҳи муваққатии вилояти Суғд ба сар мебурд.

Зимнан, кумитаи дифоъ аз хабарнигорон, созмони "Хабарнигорони бидуни марз" ва Анҷумани миллии расонаҳои мустақили Тоҷикистон (НАНСМИТ), ИЖТ ва соири дигар ташкилоту ниҳодҳои журналистии Тоҷикистон  боздошти хабарнигорро таҳаммулнопазирии мақомоти маҳаллӣ ба маводи интишоркардаи ӯ рабт медиҳанд ва хостори озодии ӯ гаштаанд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!