Русский  >>  فارسی  >>  Ҷумъа 9 декабр 2016, 08:46

Коршиносони олмонӣ: 26 фойизи наврасони Тоҷикистон бо нимгушнагӣ мувоҷеҳанд

17 октябр 2011, 10:12

Болоравии нархи озуқа дар солҳои 2010 – 2011 зиёда аз 70 миллион нафари дигарро дар ҷаҳон  ба вартаи фақру нодорӣ кашидааст.


Дар ин бора зимни таҷлили  рӯзи байналмилалии озуқа, ки 16-уми сентябр дар саросари олам қайд шуд, аз ҷониби масъулини Барномаи озуқа ва кишоварзии Созмони Миллали Муттаҳид таъкид гардид. Намояндагони воломақоми барномаи озуқа ва кишоварзӣ аз ҳукуматҳои кишварҳои рӯ ба рушд даъват кардаанд, ки дар самти  таъмини амнияти озуқаворӣ кӯшиши бештар намоянд. Ба гуфтаи таҳлилгарони ин созмон, қимматшавии озуқа пеш аз ҳама ба қишри камбағали мардум зарари зиёд мерасонад ва вазъи иҷтимоиашонро боз ҳам бадтар мегардонад. Қимматии озуқа табақаи камбизоатро водор мекунад, ки хароҷоташонро барои тандурустию маориф боз ҳам камтар кунанду маблағашонро ба хариди озуқа равона намоянд.

Ин дар ҳолест, ки созмони олмонии кӯмак ба гушнагон, дар гузориши наваш амнияти озуқавориро дар Тоҷикистон, миёни кишварҳои ИДМ осебпазиртарин арзёбӣ кардаст. Ба иттилои ин созмон 26 фоизи наврасони Тоҷикистон ба нимгушнагӣ мувоҷеҳанд. Таҳлилгарони созмони олмонӣ мегӯянд, дар Тоҷикистон таҳдиди ҷиддии фарорасии гушнагӣ мавҷуд аст, зеро ҳосили ғалладонагӣ, ки 60 фоизи колорияи рӯзонаи мардуми тоҷик аз он таркиб ёфтааст, имсол нисбат ба соли гузашта камтар шудааст. Тибқи иттилои созмон аз се ду ҳиссаи мардуми деҳоти Тоҷикистон рӯзе барои озуқа  2,15 доллари амрикоӣ сарф мекунанд, ки ҳатто аз нишондоди расмии сатҳи камбизоатӣ камтар аст. {jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!