25 авг 2015 18:17Тоҷикистон / Иқтисодӣ / Тема дня

Пас аз протоколи №9. Дастури сарвазир барои коҳиши таъсири омилҳои беруна ба иқтисодиёт

Қоҳир Расулзода, сарвазири Тоҷикистон дар ҷаласае роҳбарони вазорату идораҳои дахлдор ва масъулони соҳаро муваззаф кардааст, ҷиҳати коҳиши таъсири омилҳои беруна ба иқтисодиёти кишвар тадбир андешанд.

Ин ҷаласа имрӯз, 25 август дар шаҳри Душанбе баргузор шуда, нахуствазири Тоҷикистон ба масъулин дастур додааст, барои “таъмини мунтазами бозори истеъмолии кишвар бо захираҳои молӣ бо истифода аз имконоти дохилӣ, афзун намудани ҳаҷми истеҳсоли молу маҳсулот, таъмини бемайлони талаботи аҳолӣ бо маҳсулоти асосии озуқаворӣ ва истифодаи ҳатмии захираву имкониятҳои мавҷуда тадбирҳои саривақтӣ андешида, барои дар назди Ҳукумати Ҷумҳурии Тоҷикистон таъсис додани Комиссияи доимамалкунандаи тақвияти истеҳсолоти воридотивазкунанда ва рушди содирот ба Ҳукумати мамлакат хулосаҳои асоснок пешниҳод намоянд”.

Ҳадаф аз ҷаласаи мазкур “татбиқи нишондиҳандаҳои асосии Паёми Президенти Тоҷикистон ба Маҷлиси олӣ доир ба тақвияти иқтидори истеҳсолоти ватании воридотивазкунанда ва дастгирии соҳибкорӣ” гуфта мешавад.

Баргузории ин ҷаласа дар ҳолест, ки ахиран бо имзои Эмомалӣ Раҳмон, раиси ҳукумати Тоҷикистон таҳти рақами 9 протоколе тасвиб шуд, ки вазорату идораҳо, ташкилоту муассисаҳои давлатӣ ва мақомоти иҷроияи маҳаллии ҳокимияти давлатиро вазифадор кардааст, маблағҳои буҷети давлатиро танзим ва назорат намоянд. Аз Вазорати молия ба “Озодагон” гуфтанд, протоколи мазкур бо назардошти буҳрони молиявӣ таҳия шуда, дар он таъкид мешавад, ки “ҷиҳати таъмини хароҷоти самараноки маблағҳои буҷети давлатӣ, пешгирӣ намудани хароҷоти дуюмдараҷа барои хоҷагидорӣ ва истифодаи воситаҳои нақлиётии хизматӣ, сарфаю сариштакорӣ роҳ надодан ва исрофкорӣ мунтазам чораандеши намоянд”.

Мӯҳр

Хабарҳои монанд:

сохибкор

Омилхои беруна кохиш не ривоч медиханд!!! Мухтарам вазир!! Сабаби асосии кохишро дар системахои чориатон чуед!! Кадоматон андоз месупоред!! Прокурор-''сохиби'' замин, началниеи милиса ''сохиби'' рамма, вазир ''сохиби'' супермаркетхои калон ва гайрахо. Сохибкорони аслиро имконият намкдихед ки сармоягузори кунад. Андозсупоранда факат аробакашхои бозор ва ашхоси ''бесохибанд''. Мухтарам вазир!! Хамаашро медоед, лекин чора надоред. Ба фигратон вазири пешин намедонист???

Ҷавоб диҳед Иқтибос Шикоят

озар

Дар Точикистони мо хамеша икдомхо аз минбари баланд барои дастгирии сохибкори, гуфта мешавад ва дар катори он боз назорати маблагхои буючети. Инро намедонам дигарон и хел мефахманд, аммо ман хамчун сохибкор чунин фахмидам, ки хукумат тамоми сохторхоро барои пур кардани чигилдонхои худ ба сари сохибкорон равона мекунанд. Дар кучое коре ё икдоме аз тарафи сохибкор огоз гардад хамаи сохторхо ба сари онхо хамчун борон меборанд ва сохибкорро банкрот мекунанд. Маслан дар ш. Рогун агар корро огоз карди хатман андоз барои бастани кори ту меояд, прократура, экология, шабакахои барки,милиция, амният,хифзи амният ва гайра. Кани ки бади ин кадар омаду рафт кор кардан мехохад. Дасгирии сохибкорон нею дастгир кардани сохибкорон.

Ҷавоб диҳед Иқтибос Шикоят

озар

Ин икдом хубу лекин рахои аз кризис нест. Мо зиёда аз 20 сол дар кризисем. То вакте ки корхонахои истехсоли насозему сохибкоронро аз чанги гургони гурусна озод накунем, мо хама вакт дар кризисем. Авалан хукми азим барои корупсиро решакан кардан баровардан даркор. Корупсия вабои давлати мо мебошад, ки озод дар Точикистон амал мекунад. Мо сохибкорон вакат барои кисаи баъзехо кор мекунем.

Ҷавоб диҳед Иқтибос Шикоят

Эзоҳ илова кунед