26 авг 2015 15:01Тоҷикистон / Дасти хайр / Иҷтимоӣ / Видео

ВИДЕО: Кумакхоҳии Давлатхони маъюб, ки мехоҳад пои равон дошта бошад

Давлатхон Ҳотамов, як сокини 27-солаи деҳаи Шоҳони ноҳияи Шӯрообод, маъюби гуруҳи якум, ки аз дарди пой ранҷ мебараду аз роҳгардӣ маҳрум шудааст, барои табобаташ аз тамоми сокинони кишвар ва ашхоси тавонманд кӯмак мехоҳад.

Давлатхон, ки бо аробача ҳаракат мекунад, аз ноҳияи Шӯроободи вилояти Хатлон барои кӯмакхоҳӣ ба Душанбе омдааст. Ӯ дар суҳбат ба “Озодагон” гуфт, дар яксолагӣ вақте табаш баланд мешавад, табибон сӯзандоруе мегузаронанд, ки таъсири баръакс расонида, сабаби фалаҷшавияш мегардад: “Баъд аз гузаронидани сӯзандору як сол тамоман аз ҷоям хеста натавонистам. Модарам барои шифо ёфтанам зиёд талош кард ва маҳз бо кушишҳои ӯ ва машғулиятҳое, ки бо ман анҷом медод дар 3-солагӣ каме нишаста метавонистам. Барои муроҷиат ба беморхона пул надоштем. Сол то сол ҳолатам бад шудан гирифт. Намедонистем, куҷо муроҷиат кунем, чунки барои сиҳат шуданам маблағи зиёд лозим буд. Модарам маро 26 сол нигоҳубин кард, аммо умр вафо накарду соли 2014 аз дунё гузашт. Падарам соли 2010 ба беморие гирифтор шуду ҳоло бо асо роҳ меравад”.

Давлатхон бо далели камбағалӣ пушти дари ҳеч беморхонае нарафтааст. Танҳо бо кумаки Вазорати тандурустӣ соле қабл барои истироҳат ба осоишгоҳ фиристода шудааст, аммо онҷо ба ӯ гуфтаанд, танҳо истироҳат карда метавонаду халос: “Гуфтанд, ки ман танҳо дар инҷо истироҳат карда метавонам ва барои табобат бояд беморхона равам. Пул, ки надорем, натавонистам ба беморхона равам”.

Ӯ соли 2013 литсей-интернати махсуси маъюбонро бо ихтисоси таъмири радио ва телевизион хатм намудааст. Мегӯяд, ҳоло 27-сола аст, аммо на оила дораду на хонаву шароити хуби зиндагӣ: “Аз хайрхоҳону саховатмандон ва афроде, ки тавони дасти ёриро доранд, барои табобатам кумак мехоҳам. Мехоҳам, пои равон дошта бошам, то худам мустақилона пайи ризқу рузӣ шавам”.

Давлатхон Ҳотамов дар филиали ҶСК “Агроинвестбонк” суратҳисоб боз намуда, аз афроди саховатпеша, ки барои ӯ кумаки худро дареғ намедоранд, пешопеш изҳори сипос менамояд.

Суратҳисоб (20216972802774580001)

Мӯҳр

Хабарҳои монанд:

Часорат

Ин хама бо айби духтурхо шудагист аввал Вазорати тандурусти кумаки худро дарег надорад шарум кунад бо айби кормандони ин ниход ин мард ба ин хол расидаст лекин боз шарм надошта духтурхо аз ин пул талаб мекунанд иншоло хозир мардбачохо хам зиёд шудагист дар ватани мо кумакат мекунанд Олох мададат кунад Давлатхон

Номро бинед Давлатхон Давлат чашматонро напушед мухтарам Нусратулло Салимзода, вазири тандурустӣ

Ҷавоб диҳед Иқтибос Шикоят

ЗИЛОЛА

! ИН НУСРАТУЛЛО САЛИМОВ ФИКРИ БАРЧОМОНДАХОРО НАМЕКУНАД. МАГАР ЧИ ВАЗОРАТ НАМЕТАВОНАД ЯК НАФАР БЕМОРРО ТАБОБАТ НАМОЯД.ИН КАДАР МАБЛАГГУЗОРИЕ,КИ ХУКУМАТ ХАР СОЛ БА СОХАИ ТАНДУРУСТИ ЧУДО МЕНАМОЯД КУЧО МЕШАВАД?

Ҷавоб диҳед Иқтибос Шикоят

Эзоҳ илова кунед