(АКСУ ВИДЕО) Дилшод Назаров: Дар Чин саломатиам хуб набуд
Дилшод Назаров, паҳлавони шинохтаи тоҷик, ки аз мусобиқаи қаҳрамонии ҷаҳон оид ба гурзандозӣ дар Чин бо медали нуқра баргашт, мегӯяд, ҳангоми қувваозмоӣ вазъи саломатиаш хуб набуд.
Ӯ, ки субҳи имрӯз, 26 август вориди пойтахт шуд, дар як суҳбат дар саҳни фурудгоҳи байналмилалии Душанбе ба хабарнигорон гуфт, бо вуҷуди хуб набудани саломатӣ талош кард ва тавонист аввалин нишони нуқра аз варзиши сабук дар замони истиқлолро ба Тоҷикистон биёрад.
Дилшод Назаров, ки аз миёни варзишгарони тоҷик аввалин роҳхати Бозиҳои олимпии Бразилия-2016-ро ба даст овардааст, ваъда кард, аз олимпиадаи мазкур низ медал хоҳад овард.
Варзишгари шинохтаи кишварро дар Фурудгоҳи байналмилалии шаҳри Душанбе мухлисону ҳаводорон, намояндагони мактабҳои махсуси варзишӣ, Аҳтам Абдуллозода -- раиси Кумитаи ҷавонон, варзиш ва сайёҳии Тоҷикистон, инчунин масъулини ниҳодҳои варзишии кишвар пешвоз гирифтанд.
Аҳтам Абдуллозода, раиси Кумитаи ҷавонон, варзиш ва сайёҳии Тоҷикистон, зимни пешвозгириии Дилшод Назаров медали нуқраи ин варзишгари тоҷикро туҳфа дар арафаи ҷашни Истиқлол ба кулли варзишгарон ва Тоҷикистон унвон карда гуфт: “Имрӯз дар қаламрави ҷумҳурӣ Ҷоизаи президентӣ барои варзишгарон ҷорӣ шудааст, ки Дилшод Назаров нахустин шуда, соҳиби он мегардад”.
Ҷаноби Абдуллозода гуфт, ҷоизаи мазкур фардо ба Назаров тақдим хоҳад шуд.
Сабқати қаҳрамонии ҷаҳон оид ба гурзандозӣ миёни мардон дар шаҳри Пекини Чин байни 12 гурзандози беҳтарини ҷаҳон баргузор шуд. Дилшод Назаров гурзро ба дарозии 78 метру 55 сантиметр пардофт ва соҳиби нишони нуқра ва 30 ҳазор доллари амрикоӣ гардид.
Дилшод Назаров моҳи январи соли 2014 муовини раиси Кумитаи ҷавонон, варзиш ва сайёҳии Тоҷикистон таъин шуда, ҳамзамон раиси Федератсияи варзиши сабуки Тоҷикистон мебошад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |