(АКСУ ВИДЕО) Масъулини оташнишонӣ: Дар сӯхтори маҳаллаи “Профсоюз” касе осеб надидааст
Дар пайи сӯхтор дар бинои 16-ошёнаи воқеъ дар кӯчаи Сино-41-и ноҳияи Синои Душанбе, ки бо номи “Профсоюз” маъруф аст, толори саққобозӣ, кошонаи ҳусн ва ошхона хароб гардид.
Сарраёсати хадамоти давлатии оташнишонии Вазоати умури дохилии кишвар мегӯяд, сӯхтор соати 14:18 дар хонаи ёрирасони мансуб ба Тилло Зиёдуллоев сар зада, алангаи он ба дигар ҳуҷраҳои ҳамшафат доман паҳн намудааст. Манбаъ, масоҳати умумии сӯхторро 800 метри мураббаъ мегӯяд.
Сарраёсати хадамоти давлатии оташнишонӣ меафзояд, барои хомӯш намудани сӯхтор ва бартараф сохтани оқибатҳои он 12 автомашинаи сӯхторнишонӣ, се нақлиёти нордбондори ёрирасон, ҳамчунин ҳайати шахсии Раёсати хадамоти давлатии оташнишонии шаҳри Душанбе сафарбар шуданд: “Дар натиҷаи сухтор касе зарар надида, маблағи аз сӯхтор эминмонда 10 миллион сомониро ташкил медиҳад”.
Ба иттилои манбаъ, нисбати ҳодисаи мазкур аз тарафи мутахассисони соҳа тафтишот идома дошта, сабаб ва зарари расонидашуда аз сӯхтор муайян мешавад. Дар ҳамин ҳол, сокинони атрофи бино дар суҳбат ба “Озодагон” гуфтанд, сабаби сӯхтор таркиши баллони газ будааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |