Русский  >>  فارسی  >>  Шанбе 3 декабр 2016, 09:42

Калонтарин шарикони тиҷории Тоҷикистон дар соли равон маълум гаштанд

20 октябр 2011, 12:40

Масъулини Агентии омор дар қатори панҷгонаи калонтарин шарикони тиҷоратии Тоҷикистон, дар ҳоли ҳозир, -  Русия, Чин, Туркия, Қазоқистон ва Эронро номбар карданд.


Тавре аз ниҳоди мазкур ба хабаргузории «Озодагон» иттилоъ доданд, таи моҳҳои январ – сентябри соли равон, ҳаҷми додугирифти Тоҷикистон бо Русия -766,9 миллион доллар, бо Чин – 514,9 миллион доллар, Туркия – 450,5 миллион, бо Қазоқистон 320,5 миллион ва Эрон – 150,3 миллион доллари амрикоиро ташкил додаст.

Ба иттилои манбаъ, мизони гардиши савдои хориҷии кишвар, ҳамоно манфӣ буда, ҳаҷми воридот аз содирот ҳудуди 2,5  маротиба зиёдтар аст: «Таи нӯҳ моҳи соли ҷорӣ ба кишвар дар ҳаҷми 2 миллиарду 300 миллион доллари амрикоӣ молу маҳсулот ворид шуда, дар ҳаҷми 952 миллион доллар  содир шудааст.  Тоҷикистон бо 98 кишвари дунё, аз ҷумла 10 кишвари Иттиҳоди давлатҳои мустақил ва 88 кишвари хориҷи дур муносиботи тиҷоратӣ доштааст. Аз ҳаҷми умумии савдои хориҷӣ, 44,7 фоиз ё зиёда аз 1,4 миллиард доллар ба кишварҳои ИДМ ва 55,3 фоиз ё 1,8 миллиард доллар ба кишварҳои хориҷи дур  рост меояд».

Дар маҷмӯъ, ба гуфтаи масъулини Агентии омор  ҳаҷми савдои хориҷии Тоҷикистон таи моҳҳои январ – сентябри соли ҷорӣ 3 миллиарду 278,8 миллион доллари амрикоиро ташкил додаст, ки дар муқоиса бо нишондоди соли гузашта 641 миллион доллар зиёдтар аст.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!