Дурӯғ ва “Барқи тоҷик”
Дурӯғ гуфтану сурх нашуданро бояд аз бархе масъулини ширкати “Барқи тоҷик” омӯхт. Дар ҳоле ки сокинони аксар манотиқ рӯзҳост таъми лимитро мечашанд, ин масъулин лоф мезананд, реҷабандии барқ ҷорӣ нашудааст...
Сокинони минтақаҳои мухталифи кишвар мегӯянд, наздики як ҳафта аст, барқ дар манзилҳояшон барои чандин соат қатъ мешавад. Бо ин ҳол, масъулини ширкати “Барқи тоҷик” иддао доранд, ки ҳанӯз лимит оғоз нашудааст.Вақте мустақил будани додгоҳҳо зери суол аст, боварнокарданист, ки шабакаҳои барқи минтақаҳо аз пеши худ ва бидуни огаҳии “Барқи тоҷик”якдилона барқро барои сокинон қатъ кунанд.
Ё Шумо мардумро ба қавли ҳарфҳои кӯчабозорӣ “донаи тарбуз” мепиндоред? Ин ки миллати хубу босабрем, маънии онро дорад, ки болои сарамон чормағз бишканед? Хомӯшӣ ҳам ба ин маънӣ нест, ки вақте барфро сиёҳ гӯянд, бовар карда бошем.
Аз сӯи дигар, як масъул “Барқи тоҷик” гуфта, барои омодагӣ ба зимистон хатҳои баландшидати барқро таъмиру тармим мекунанд ва ин боиси қатъи муваққатии нерӯи барқ дар баъзе минтақаҳо шудааст. Қатъи муваққатӣ, яъне чӣ? Як ҳафта шабона ва рӯзона барои чанд соат қатъ шудани барқ – қатъи муваққатӣ ном дорад? Чандин сол аст, ки онро лимит мегуфтанд, имсол қатъи муваққатӣ шуд?Гузашта аз ин, кадом кӯдак бовар мекунад, ки кормандони шабакаҳои барқ баъди соати 22 ё 23 ба таъмиру тармими хатҳои баландшиддат машғул мешаванд?
Ин ки мардум бебарқиро таҷриба мекунаду масъулин мегӯянд, лимит ҷорӣ нашудааст, ҳарчанд шоҳдурӯғ нест ва ба номинатсияи “Дурӯғи сол-2015” зӯраш намерасад, аммо бешак дар панҷгонаи дурӯғҳо мақом мегирад. Ҳар касе ҳам дар ин сатҳ дурӯғ гуфта наметавонад...
Мардум ба ваъдаи се сол баъд барқ фаровон мешавад, кайҳост бовар надоранд. Чун чандин чунин сесолаҳоро бо лимит сипарӣ карданд. Пас, ошкоро эълон кунед, ки реҷабандии барқ оғоз шудааст. Ин ки даъво мекунед, лимит нест, аммо ҳаст, обрӯятонро беш намекунад. Бояд ҳарчиро бо номи худаш гуфтанро ёд бигирем. Ё не? Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
