Русский  >>  فارسی  >>  Душанбе 5 декабр 2016, 17:34

Васиятномаи Муаммар Қаззофӣ ба мардуми Либия

24 октябр 2011, 03:28

Яке аз пойгоҳҳои иттилоотии Алжир, мавсум ба «Algeria-ISP» бо истинод  ба «Seven Days News»- сомонаи муқовиматгарони Либия васиятномаи Қаззофиро ба нашр расонид.


Собиқ раҳбари инқилоби Либия ин номаро ба се нафар аз наздиконаш дода, хоҳиш кардааст, ки онро ба мардуми кишвараш расонанд,- менависад манбаъ. Дар васиятномаи сарҳанги мақтул аз ҷумла омадааст, ки ҷасади ӯро тибқи оини мусулмонӣ ва шариати ислом бо ҳамон либосе, ки қабл аз мурданаш дошт, ба хок супоранд. «Мехоҳам дар мазори шаҳри Сирт, паҳлӯи оила ва халқам дафн шавам»,- навиштааст Қаззофӣ.

Манбаъи хабар афзудааст, ки Қаззофӣ ҳамчунин васият кардааст, ки бо хонаводаи ӯ аз эҳтиром кор бигиранд, алалхусус аснои муомила бо занону кӯдакон дуруштрафторӣ нанамоянд. «Зарур аст, ки мардуми Либия адлу адолату баробариро нигоҳ доранд, ба дастоварду пешрафтҳои кишвар арҷ гузоранд, қаҳрамонони худро фаромӯш накунанд, рӯҳи гузаштагони миллатро пос доранд»,- қайд мекунад Муаммар Қаззофӣ. Собиқ раҳбари инқилоби Либия дар идомаи васиятномааш ба мардуми кишвар навиштааст: «Алайҳи ҳама гуна аҷнабиён муборизаро бояд идома бидиҳед, ба одамони озоди Либия ва саросари олам бовар кунед, ин бойиси сарбаландӣ ва рифоҳи шумо хоҳад шуд».

«Ва агар либиягиҳо дар ояндаи наздик пирӯз ҳам нашаванд, мутмаин бошед, ки насли оянда шаҳди ғалаба ва саодатро хоҳад чашид. Касе, ки барои ватан ва озодии он мубориза мебарад- қаҳрамон, нафаре, ки ватанро мефурӯшад- хоин аст»,- омадааст дар поёни номаи вопасини Қаззофӣ.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!