25 ноя 2015 12:15Тоҷикистон / Иқтисодӣ

40 сомонӣ-фарқ байни қурби ошкору пинҳони $ дар Душанбе

Як доллари амрикоӣ, ки арзишаш дар лавҳаи саррофиҳои шаҳри Душанбе 6,75-6,77 сомонӣ нишон дода шудааст, амалан ба ивази 7,15 сомонӣ фурӯхта мешавад.

Хабарнигори “Озодагон” имрӯз, 25 ноябр зимни боздид аз нуқтаҳои мубодилаи асъори пойтахт дар маркази Душанбе муайян намуд, ки саррофон як долларро ба ивази 7,05 сомонӣ харида, 7,10-7,15 сомонӣ мефурӯшанд.

Ин дар ҳолест, ки одатан саррофон қурби долларро дар пайи поёнравии қурби рубл боло мебурданд. Аммо тайи як ҳафтаи охир қурби рубл низ поён нарафта, баръакс боло рафтааст. Аз ҷумла 1000 рубли русӣ, ки ҳафтаи қаблӣ ба 103-105 сомонӣ баробар буд, имрӯз дар нуқтаҳои мубодилаи асъори пойтахт ба 106-108 сомонӣ баробар шудааст.

Қаблан Бонки Миллии Тоҷикистон, ки қурби долларро дар бозори нақди кишвар худаш муайян мекард, эълон намуд, ки аз 26 октябри соли 2015 қурби долларро боз худи ташкилотҳои қарзӣ муайян мекунанд. Дар баробари ин, Бонки миллии Тоҷикистон иброз намуд, ки вазъи бозори нақдӣ ва фаъолияти муассисаҳои бонкиро, ки ба хариду фурӯши асъори хориҷии нақд машғуланд, ҳамарӯза назорат хоҳад кард: “Дар ҳолатҳои ҳаннотӣ ва аз ҷониби онҳо беасос баланд кардани қурб, алайҳашон дар якҷоягӣ бо мақомоти ҳифзи ҳуқуқ чораҳои қатъии таъсиррасонӣ андешида хоҳанд шуд”.

Мӯҳр

Хабарҳои монанд:

Шамсия

"40 сомонӣ-фарқ байни қурби дуруғу рости $ дар Душанбе". Агар сарлавхаро чунин монед дурусттар мешавад))))))))

Ҷавоб диҳед Иқтибос Шикоят

Tavajuh

Qurbi $-ro tashkilothoi qarzi ne!!! Balki savdogaroni eki az khorij mahsulot vorid mekunand onho muayan mekunand!!!! Vot tupizm ha

Ҷавоб диҳед Иқтибос Шикоят

шахрванд

баланд шудани курби доллар ин аз хама пеш айби бонки милли Точикистон ва хизмати хирсонаи ин банк мебошад. Агар ахамият дода бошед, аз рузе ки ин банк ба нуктахои мубодила асъор ичозат дод, ки курби долларо худатон муайян намоед, дар як муддати кутох курби доллар чунон баланд бардошта шуд. ки хочати гап нест. Пеш аз ин нуктахои мубодилаи асъор ба маблаге ки долларро мехариданд 50 дирам ва аз хама зиёд 1 сомони гузошта мефурухтанд. Хозир бошад ба он камаш 5 сомони ва зиёд 10 сомони гузошта фурухта истодаанд, ки ин беинсофист. Дар чояшон нишаста бе мехнат, пули бедарди миёнро ёфта истодаанд. Бояд ки банки милли карор кабул намояд ки аз маблаге ки долларро мехаранд ба болои он 50 дирам ва аз хама зиёд 1 сомони гузошта нуктахои мубодилаи асъор фурушанд. Дар холати вайрон намудани ин талабот ин нуктахо мубодилаи асъор махкам карда шуда ин шахсон чавримаи калон карда шавад.

Ҷавоб диҳед Иқтибос Шикоят

Муаллим

То моҳи март бар ивази 100 доллар наздики 800 сомонӣ мешавад!

Ҷавоб диҳед Иқтибос Шикоят

nabi farhor

Ин худаш чи гап бошад,галстукхоро танг баста,рафта меоянд.Худро раиси бонк мехисобанд аммо бенатича.Аз соли 2014-то -2015 100$-то 200сомони боло рафт.Дар давлати Арабистон фаркият 2-сомонист.

Ҷавоб диҳед Иқтибос Шикоят

Эзоҳ илова кунед