25 ноя 2015 15:56Тоҷикистон / Дидгоҳи хос
Зуҳуров дар бораи раҳбароне, ки бояд ҷойро холӣ кунанд...
Шукурҷон Зуҳуров, раиси Маҷлиси намояндагон имрӯз, 25 ноябр аснои барасии қабули тағйирот ба қонун дар бораи низоми иҷозатдиҳӣ аз вазъу шароити бахши соҳибкорӣ изҳори нигаронӣ намуда, аз вакилон хост, сари ин масъала бештар кор кунанд. Оқои Зуҳуров иброз дошт, бояд коре кард, то одамон барои гирифтани як ҳуҷҷат чанд рӯз саргардон нашаванд: “Ҳатто ҳифзи муҳити зистро гирем, ҳар як иҷозат гирифтан, иҷозати истифодаи махсуси об, иҷозат барои истифодаи объекти олами ҳайвоноту наботот, иҷозат барои воридоту содироти партовҳо барои истифодабарии такрорӣ, умуман даҳҳо иҷозатҳоянд, ки ҳар кадоми онҳо вақти зиёдро мегирад. Мо бояд коре кунем, то одамон барои гирифтани як ҳуҷҷат даҳ рӯзу бист рӯз вақташонро сарф накунанд. Як нафар бояд чандин ҳуҷҷат бигирад, то тавонад расман корро шурӯъ кунад”.
Раиси Маҷлиси намояндагони Тоҷикистон инчунин ба зарурати сабукии андозҳо таъкид дошт. Ӯ яке аз сабабҳои даст кашидан аз фаъолияти соҳибкориро низоми дарёфти иҷозат ва андозҳо хонд. Вай афзуд, “мо натавонистем андозҳоро сабук кунем, то он дараҷае, ки масалан соҳибкор ҳақиқатан он маблағеро, ки гирифтан мехоҳад, гирифта тавонаду харҷҳояшро пӯшонад, корашро иҷро кунад ва фоида гирад. Дар сурати фоида гирифтан метавонад андоз супорад. Баъди 5 сол вай ба ҷои 10 ҳазори ҳозир, мумкин 500 ҳазор месупорад ба буҷа. Мо бояд ҳамин тарафи масъаларо фикр кунем. Вакилони муҳтарам, мо бояд фикр кунем, пешниҳодҳо кунем, сохторҳое ҳастанд, ки мебахшед, ҳоло ҳам ба ин чиз манфиатдор нестанд”.
Шукурҷон Зуҳуров таъкид намуд, шахсе ки масъули ягон соҳа аст, барои мисол, замин, кишоварзӣ, саноат ё сохтмон, то агар давлат ба ӯ масъулят бор накунад, пешравӣ намешавад: “Ӯ бояд ба ҳукумату раиси ҳукумат ҳисобот диҳад, ки чӣ қадар дар соҳааш соҳибкорҳо пайдо шудаанду барои ҷалби соҳибкорҳо чӣ корҳо анҷом дод. То агар шахсони аввал ҷавобгари ташкили соҳибкории хурду миёна дар Тоҷикистон набошанд, пешравии ҷиддӣ намешавад”.
Ба қавли раиси Маҷлиси намояндагон, вакилон бояд коре кунанд, то роҳбаронро бо роҳи қонунӣ маҷбур созанд, ки ҷавобгари ташкил кардани соҳибкорӣ, яъне овардани сармоя, ташкили ҷойҳои корӣ гарданд: “Кадом роҳбаре, ки оянда ҳамин корро карда натавонист, бояд ҷойро холӣ кунад. Чун ки имрӯз тарақиёту рушди зиндагии мардуми мо аз ҳамин вобаста аст, мо дигар он кархонаву заводҳои калонро сохта наметавонем, давлат ҳам қудрат надорад”.
Ҷаноби Зуҳуров гуфт, шахси мансабдоре, ки имрӯз масъули додану надодани иҷозат барои фаъолияти соҳибкорӣ аст, бояд ҳавасманд бошад, ба ҳукумат барояд, талаб кунад, то роҳи соҳибкоронро кушояду онҳоро ҷалб намояд: “Як қисмаш қарз гирифтаанд, ҳоло қарзро наметавонанд дода, гурехта рафтаанд. Хонаҳояшонро рафта гирифта истодаем, ин хел кор бояд набошад, як ҳисобу китоб бояд бошад, шароит бояд муҳайё кунем. Мо бояд сари ин масъала ҷиддӣ машғул шавем”.
Дар ҷаласаи мазкур баъд аз баромади Шукурҷон Зуҳуров вакилони Маҷлиси намояндагон бо қабули тағйиру иловаҳо ба қонун дар бораи низоми иҷозатномадиҳӣ 5 намуди иҷозатномаро бекор карданд. Толиббек Бухориев, вакили парлумон зимни муаррифии лоиҳа дар қатори ҳуҷҷатҳои бекоршуда, аз ҷумла шаҳодатномаи тахассуси аудити экологӣ, хулоса барои кушодани роҳҳои муассисавӣ ва хусусӣ барои истифодаи умум, ҳуҷҷати мувофиқакунӣ барои рондани чорво ба воситаи роҳҳои автомобилгард, мувофиқакунӣ барои ченкунӣ ва наворгирӣ зери пулҳо ва дарёҳоро номбар кард.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
