Русский  >>  فارسی  >>  Якшанбе 4 декабр 2016, 00:43

Райиси кумитаи андоз ширкати «Барқи тоҷик» - ро калонтарин қарздор унвон кард

25 октябр 2011, 12:00

Нусратулло Давлатов, райиси Кумитаи андози назди ҳукумати Тоҷикистон мегӯяд, қарзи корхонаю ташкилотҳо аз  андоз, тайи 9 моҳи соли равон дар ҳаҷми 73,1 миллион сомонӣ афзойиш ёфта, аввали моҳи октябр ба 756 миллиону 600 ҳазор сомонӣ баробар шудааст.


Номбурда зимни ҳисоботаш дар парлумон гуфт, ширкати «Барқи тоҷик» ва НБО –и «Сангтӯда – 1» калонтарин қарздорҳо дар назди андозанд. Давлатов афзуд, ин ду ширкат дар маҷмӯъ аз андоз 429 миллион сомонӣ қарздоранд: «Аз ин 45 миллионаш қарзи НБО – и «Сангтӯда-1» ва боқимонда, 384 миллион сомонӣ қарзи «Барқи тоҷик» аст. Ба гуфтаи ӯ, ҷамъоварии андоз тайи нӯҳ моҳ дар ҷумҳурӣ 2 миллиарду 800 миллион сомониро ташкил додаст, ки аз нақшаи пешбинишуда 115 миллион сомонӣ зиёдтар аст.

Дар баробари ин қайд гардид, ки нақшаи ҷамъоварии 4 намуди андоз дар ҷумҳурӣ таъмин  нагардидаст, ки дар натиҷа буҷети давлат дар нӯҳ моҳ аз 66 миллион сомонӣ маҳрум мондааст.Дар қатори калонтарин қарздорҳо, аз андозҳои ҷорӣ, ширкати «ТАЛКО» бо қарзи 28,7 миллион сомонӣ, ширкати «Барқи тоҷик» бо қарзи 20,6 миллион сомонӣ, КВД «Роҳи оҳани Тоҷикистон» бо нишондоди 11,6 миллион сомонӣ ва НБО – и «Сангтӯда-1» бо қарзи 2,5 миллион сомонӣ номбар шуданд.

Ҳамзамон, райиси кумитаи андоз қайд кард, ки айни ҳол ҳуҷҷатҳои зарурӣ барои бекор кардани 100 миллион сомонӣ қарзи андоз омода шуда истодаанд. Ба гуфтаи ӯ ин қарзҳо аз соли 2005 –ум пардохт нашуда, асосан ба ширкатҳое, ки аллакай барҳам хӯрдаанд, тааллуқ доранд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!