Аз «Муссо» 8 кило ҳероин мусодира кардаанд

Кормандони агентии назорати маводи нашъадори Тоҷикистон дар ҳудуди шаҳри Душанбе 8 кило маводи мухаддир мусодира кардаанд.

---

Ин миқдор маводи нашъадор аз мошини тамғаи “Муссо”, ки шаҳрванди 46-солаи пойтахт идора мекард, дарёфт шудааст. Тавре ба хабаргузории “Озодагон” аз агентии мазур хабар доданд, зимни ҷараёни тафтиш ронанда гуфтааст, ки бори мазкур ба ду мусофири ӯ, сокини 37-солаи ноҳияи Мӯъминободи вилояти Хатлон ва бошандаи 40-солаи шаҳри Душанбе марбут аст. Онҳо қасд доштанд, маводи мухадирро ба хориҷи кишвар интиқол диҳанд. Яке аз ин ду нафар қаблан барои нигоҳ доштани ғайриқонунии воситаҳои нашъаовар дар ҳаҷми калон аз озодӣ маҳрум шуда будааст. Аз рӯи ин ҳодиса парвандаи ҷиноятӣ боз шуда, шахсони боздоштшуда дар тавқифгоҳи муваққатии агентӣ нигаҳдорӣ мешаванд. Айни замон барои шиносоӣ ва боздошти афроди дигаре, ки ба ин ҷиноят даст доранд, чораҳои иловагӣ дида мешаванд,-афзуд манбаъ.{jathumbnail off}

Мӯҳр