Русский  >>  فارسی  >>  Якшанбе 11 декабр 2016, 11:01

АНМН: Кулли аҳдномаҳои байналмилалиро риоя мекунем

29 октябр 2011, 06:30

Дар  агентии назорати маводи нашъаовар мулоқоти сарвари ин ниҳод, Рустам Назаров бо сардори қисми сиёсӣ оид ба масъалаҳои ҳифзи ҳуқуқи башар дар назди Хадамоти хориҷии аврупоӣ хонум Риина Кионка ва намояндаи махсуси Иттиҳодияи Аврупо дар Осиёи Марказӣ ҷаноби Пйер Морел сурат пазируфт.


Тавре ба хабаргузории «Озодагон» аз агентии мазкур хабар доданд, зимни мулоқот Эдуард Ауэр, раҳбари намояндагии Иттиҳодияи Аврупо дар Тоҷикистон, сардори шӯъба оид ба масъалаҳои сиёсии намояндагии ИА дар ҶТ, Иштван Нитрай ва мушовир оид ба масъалаҳои ҳуқуқи инсон хонум Одроне Перкаускиене иштирок намуданд.

Директори агентӣ меҳмононро бо вазъи мубориза бо муомилоти ғайриқонунӣ дар кишвар шинос намуда, дар бораи сиёсати зиддинашъамандӣ дар Тоҷикистон, тадбирҳои амалие, ки ҳукумати Тоҷикистон дар мубориза бо маводи нашъадор ва пешгирии нашъамандӣ меандешад, инчунин ҳамкориҳои байналмилалӣ ва нақши он дар муборизаи ҷаҳонӣ бо ин хатари башарӣ сухан гуфтанд. Хонум Риина Кионка хабар доданд, ки мақсади ташрифи ҳайати Иттиҳодияи Аврупо ба Тоҷикистон иштирок дар ҷаласаи чоруми муколама оид ба ҳуқуқи инсон байни Тоҷикистон ва Иттиҳодияи Аврупо мебошад. Ҳамзамон ҳайати мазкур  бо мақомоти дахлдори кишвар сари мавзӯъи ҳуқуқи инсон сӯҳбат хоҳанд кард. Дар навбати худ Рустам Назаров таъкид карданд, ки талаботҳои ҳамаи аҳдномаҳои байналмилалӣ оид ба ҳифзи ҳуқуқи башар, ки Тоҷикистон онҳоро эътироф намудааст, риоя менамояд,-афзуд манбаъ.a{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!