Русский  >>  فارسی  >>  Панҷшанбе 8 декабр 2016, 19:04

Дар Душанбе борону дар ноҳияи Ванҷ барф меборад

31 октябр 2011, 05:06

Имрӯз ҳавои шаҳри Душанбе абриву боронӣ хоҳад буд ва то 12 дараҷа гарм мешавад.


Тибқи иттилои маркази обу ҳавошиносии ҷумҳурӣ, дар шаҳри Хуҷанд ҳам борон меборад, ҳавои Қӯрғонтеппа нимаабрӣ боқӣ мемонад, каму беш борон меборад. Дамои ҳаво аз 8 то 14 дараҷа гарм хоҳад шуд. Ҳавои шаҳри Хоруғ ҳам абриву боронист, рӯзона то 5 ва шомгоҳон 3 дараҷа гарм хоҳад шуд.

Дар ҳамин ҳол, дар дурдасттарин деҳаи ноҳияи Ванҷ- рустои Поймазор, ки дар наздикии пиряхҳои бузурги кишвар- Хирсон, Кашолаях ва Федченко ҷойгир аст, барфи аввал боридааст. Тавре Ҳайдар Назаров, як сокини ин деҳа ба хабаргузории «Озодагон» иттилоъ дод: «Бориши барф шаби 30-юми октябр шурӯъ гардида, ғафсии қабати он то имрӯз 18 см-ро ташкил медиҳад». Ӯ мегӯяд, аслан зимистон дар деҳаи мо барвақт оғоз гардида, то моҳи апрел идома меёбад, аммо имсол аз солҳои қаблӣ ду ҳафта пеш зимистон шуд.

«Ҳосили бархе меваҳои боғҳои сокинони Поймазор ҳанӯз ҷамъоварӣ нашудааст, аз ҷумла ҳудуди 20-тонна себи навъи олӣ дар боғҳо зери барф монд»,-мегӯяд Назаров.

Маврид ба ёдоварист, деҳаи Поймазор дар қисмати шарқии ноҳияи Ванҷ ҷойгир буда, аз маркази ноҳия 70 километр дур аст.Шуғли асосии сокинони ин русто зироаткорӣ, боғдорӣ ва чорвопарварӣ мебошад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!