27 янв 2016 12:27Тоҷикистон / Фарҳангу адаб / Видео / Тема дня

(ВИДЕО) Бозхонии “Санам”-и Суҳроби Сафарзод аз сӯи овозхони афғон

Наваб Наҷмӣ, як овозхони афғон таронаи “Санам”-и Суҳроби Сафарзод, хонандаи тоҷикро, ки чанд сол қабл даргузашт, бозхонӣ кардааст.

“Санам” аз охирин корҳои Суҳроби Сафарзод буд, ки танҳо баъди маргаш вориди бозор шуд. Олим Ширинов, коргардони овоз баъди марги сароянда ба хабарнигорон гуфта буд, Суҳроб 9 декабр (як рӯз пеш аз фавташ) зимни тамоси телефоние изҳор доштааст, ки бояд таронаи навашро сабт кунад. Олим пешниҳод карда, ки онро фардо сабт кунанд, вале Суҳроб зиёд исрор мекунад, ки бояд ҳамин рӯз сурудро таҳия кунанд. Ин сурудро Суҳроб бо шогирдаш -- Сорбон хондааст.

Наваб яке аз барандаҳои озмуни "Ситораи афғон" аст, ки аз сӯи телевизиони "Тулӯъ"-и Афғонистон таҳия мегардад. Бархе корбарони шабакаҳои иҷтимоӣ навиштаанд, ки аз хонандаи афғон дида, Суҳроби Сафарзод таронаи мазкурро хубтар иҷро кардааст.

Наваб Наҷмӣ

Суҳроби Сафарзод ва Сорбон

Суҳроби Сафарзод 10 декабари соли 2010 дар шаҳри Душанбе даргузашт. Бахтиёр Алиев, як масъули шӯъбаи тафтишотии Агентии назорати маводи нашъадор моҳи июли соли 2011 дар нишасти хабарие сабаби марги ӯро истеъмоли “амфитамин” гуфта буд. Суҳроб аз оғози соли 2000-ум дар саҳна муаррифӣ гардид. Ихтисоси мусиқӣ надошт, аммо зимни таронасароӣ нозукиҳои талаффузи калимаҳоро риоя мекард, садояш бо оҳанг тавъам буд. "Нозанин", "Азизи диламӣ", "Ишқи ман", "Панҷара" аз маъруфтарин таронаҳои ӯянд. Суҳроб бо Шабнами Сурайё (Ишқи ту), Дилноза Сафарова (Нозанин), Остони Азиз (Аруси сарзаминам) ва Ҳабиба (Дил шикастӣ санам) таронаҳои муштарак иҷро кардааст.

Мӯҳр

Хабарҳои монанд:

Амир

Бигузор бихонад......о сарояндахои мо аз Ахмад Зохира мехонанд ку...

Ҷавоб диҳед Иқтибос Шикоят

Оҳангшинос

Ва худораҳматии Суҳроби Сафарзод ҳам ин оҳангро аз филми ҳиндии "Грустная история любви" ("Қиссаи дардноки ишқ") (бо иштироки Салмонхон ва Карина Капур) гирифта буд.

Номи филм бо забони асл: "Kyon Ki Itna Pyaar Tumse (2005)" ва номи суруде, ки дар ин филм садо медиҳад: "Dil Ke Badle Sanam" мебошад. Ин ду сароянда бояд дар ҳаққи оҳангсозӣ ҳиндӣ ба дуо бошанд...

https://www.youtube.com/watch?v=4ZRLlx_fro0

Аз Озодагон хоҳиш мекунам ин ссилкаро ҳам гузоранд. То мардум фаҳманд, ки соҳиби аслии ин оҳанг кист.

Ҷавоб диҳед Иқтибос Шикоят

Пурдил

Хамин масъулини ОЗОДАГОН медонанд, ки рейтингшон дар масъалаи хонандагон чи кадар вактхои охир кам шудаст! Агар намедонанд, як маротиба бо сахфаи сайт ба сайтони маниторинги ворид шуда бубинанд, ки сайте, ки замоне дар байри сайтхои точики хатто аз Озоди пеш буд холо дар кучои руйхат карор дорад?! Ин хабархои хофизу раксу сурудро монда пушти мавзухои дигар шавед!

Ҷавоб диҳед Иқтибос Шикоят

Аъзам

Ба Пурдил;Ба ту нафорад нахон.ОЗОДАГОНРО мехонем ва ба ин команда бурдборй хохонем.
P.S.Ифротгароён ба мусикаву санъат тавачухе надоранд .Боз аз хамонхо набошй?!

Ҷавоб диҳед Иқтибос Шикоят

Shoh Rukh

ба оғои Оҳангшинос:
Хато кардед бародари гиромӣ!
У оҳанге ки шумо дар назар доштед куллан дигар сурудаст, ки Суҳроб ҳамроҳи Ҳабибаи Давлат суруда буданд. Бо ибораи "Дил шикасти санам..." оғоз меёбад....
https://www.youtube.com/watch?v=edQcdRQrEIU

Ҷавоб диҳед Иқтибос Шикоят

Mahina

Рухаш шод бошад Сухробро. Хело сурудхояшро дуст медорам.

Ҷавоб диҳед Иқтибос Шикоят

Эзоҳ илова кунед