Русский  >>  فارسی  >>  Ҷумъа 9 декабр 2016, 16:36

SoS: Лизинг дар Тоҷикистон рӯ ба таназзул ниҳодааст

31 октябр 2011, 09:12

Дар давоми солҳои 2009 – 2011, шумораи ширкатҳо, ки дар Тоҷикистон ба хизматрасониҳои лизингӣ машғуланд, аз 10 то 6 адад коҳиш ёфтааст.


Масъулини барнома оид ба рушди маблағгузории хоҷагии қишлоқ ва такмили фазои соҳибкорӣ дар Тоҷикистон мегӯянд, ҳаҷми бозори лизингӣ ҳам сол ба сол дар кишвар кам шуда истодааст. Ба гуфтаи манбаъ, ҳаҷми бозори лизингӣ дар Тоҷикистон соли 2008 – ум, 24 миллиону 750 ҳазор доллари амрикоиро ташкил медод, ки ин нишондод аллакай дар соли 2010 –ум ба 4,02 миллион доллари амрикоӣ баробар шуд. Ин дар ҳолест, ки масъулини Барнома оид ба рушди маблағгузории хоҷагии қишлоқ, лизингро яке аз роҳҳои беҳтарини таъмини деҳқонони тоҷик бо техникаи зарурӣ меҳисобанд:

«Бонкдорон ба деҳқон боварӣ надоранд, зеро заминаи гаравмониаш заиф аст ва одатан аз додани қарзҳо ба кишоварзон худдорӣ мекунанд. Гирифтани техника таввассути лизинг роҳи нисбатан қулай буда, метавонад, бе гаравмонӣ сурат гирад. Аммо дар Тоҷикистон ин намуди хизматрасониҳо сол ба сол камтар шуда истодаанд. Дар соли 2010 –ум дар Тоҷикистон ҳамагӣ 4 созишномаи лизингӣ дар бахши хоҷагии қишлоқ баста шуд. Дар ҳоле, ки талабот ба техникаи хоҷагии қишлоқ хеле зиёд аст».

Истифодаи техникаи мавҷудаи хоҷагии қишлоқро, ки аксарияташон кӯҳна шудаанд, ба гуфтаи масъулини барнома, барои деҳқон фоиданокии каму хароҷоти зиёдро меоранд, ки дар натиҷа ин ба гаронишавии маҳсулоти хоҷагии қишлоқ меорад.

Масъулини ширкатҳои хусусии лизингӣ коҳиши рӯзмараи хизматрасониҳояшонро ба андозбандӣ ва боҷи гумрукӣ рабт медиҳанд, ки зимни амалиёти лизингӣ - ворид намудани технология ва супоридани минбаъдаи он ба дасти деҳқон татбиқ мешавад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!