Сафари зоирини тоҷик барои тавофи Каъба ба охир расид.
Тавре ба хабаргузории «Озодагон» Маҳмадюсуф Шодиев, масъули хадамоти матбуотии фурудгоҳи пойтахт иттилоъ дод, ширкатҳои ҳавопаймоии «Тоҷик Эйр» ва «Сомон Эйр» дар хатсайри Душанбе-Ҷидда 21 парвоз анҷом доданд. Бино ба қавли манбаъ, қабл аз оғози маъракаи Ҳаҷ-2011 дар фурудгоҳи Душанбе барои дар сатҳи баланд ташкил ва гуселонидани зоирин ҷаласа баргузор гашт, ки дар он намояндагони ширкатҳои ҳавопаймоӣ, Кумитаи дин, хадамоти гумрук ва сарҳади назди фурудгоҳ, намояндагони вазорати корҳои дохилӣ иштирок намуданд. Бақайдгирӣ, интиқоли зоирин аз идораи муфтиёт то фурудгоҳ, хизматрасониҳои фурудгоҳӣ, омодагии ширкатҳои ҳавопаймоӣ ва таъмини тартибу низом аз ҷониби кормандони ВКД ҳама дар сатҳи баланди касбӣ анҷом дода шуданд.
Манбаъ афзуд, рейси хотимавиро бо 184 мусофир дар таърихи 29-уми октябри соли равон, аз фурудгоҳи байналмилалии Душанбе ширкати ҳавопаймоии «Сомон Эйр» дар хатсайри Душанбе-Ҷидда анҷом дод. Тавре маълум гашт, танҳо дар маъракаи ҳаҷи соли ҷорӣ, ки аз 11 то 29 уми моҳи октябр давом кард, аз фурудгоҳи байналмилалии Душанбе ба 4172 нафар зоирин хизмат расонида, 49 375 кило бори эшон интиқол дода шуд.{jathumbnail off}
Мӯҳр