Сарвари АНМН бо мудири JICA дар Душанбе мулоқот кард

Бо ибтикори дафтари агентии Ҷопон оид ба ҳамкориҳои байналмилалӣ (JICA) дар  Тоҷикистон, мулоқоти Рустам Назаров, сарвари АНМН бо мудири намояндагии ин ниҳод-Ҷиро Иида сурат пазируфт.

---

Директори агентии назорат аз болои маводи нашъадор ба ҳукумати Ҷопон барои кӯмакҳои ироакардааш ва дастгирии мақомоти ҳифзи ҳуқуқ ва сохторҳои қудратии  Тоҷикистон, ки бо маводи нашъадор мубориза мебаранд, изҳори сипос намуд.

Тавре ба хабаргузории “Озодагон” аз АНМН иттилоъ доданд, зимни нишаст Рустам Назаров ҷаноби Иидаро бо вазъи вобаста ба маводи мухаддир дар Тоҷикистон, чораву тадбирҳое, ки ҳукумати ҷумҳурӣ дар ин самт меандешад, ҳамчунин ташкили ҳамкориҳо миёни мақомоти ҳифзи ҳуқуқи ҷумҳурӣ ва кишварҳои хориҷӣ дар мубориза бо муомилоти ғайриқонунии маводи мухаддир шинос намуд.

Манбаъ афзуд, Ҷиро Иида дар мавриди комёбиҳо ва дурнамои рушди АНМН, аз ҷумла, дар бораи Маркази миллии кинологӣ ва ташкили студияи хурди АНМН дар ҷараён гузошта шуд. Номбурда барои ҳамкорӣ дар масъалаҳои мубориза бо маводи мухаддир бо сохторҳои ҳамсони Ҷопон изҳори ташаккур намуд ва ба ҷараёни татбиқи лоиҳа оид ба бунёди мини-студия дар агентӣ таваҷҷӯҳ зоҳир кард.    {jathumbnail off}

Мӯҳр