Русский  >>  فارسی  >>  Якшанбе 4 декабр 2016, 13:11

Муҳоҷир: «Ду соли охир ҳеч мушкил надоштем, аммо...»

11 ноябр 2011, 04:40

«Субҳи рӯзи 10-уми ноябр нозири минтақавиамон ба манзили иҷораам омада гуфт, ки беҳтараш имрӯз кор нарав.

 


Дар истгоҳи метрои Шёлково низоми шадиди назорат ва тафтиши асноди муҳоҷирони тоҷик роҳандозӣ гардидааст, беҳтараш як-ду рӯз дар хонаат дам гир». Ин ҳарфҳоро Нуриддин Давлатов, як муҳоҷири корӣ аз Тоҷикистон, ки тайи 12 соли ахир дар шаҳри Маскав ба сар мебарад, зимни сӯҳбати телефонӣ бо хабаргузории «Озодагон» иброз дошт. Ҳамватани мо, ки барои таъмини рӯзгори хонаводаи калонашон аз як ноҳияи кӯҳистони кишвар ба Русияҳиҷрат кардааст, аз мушкилоти се рӯзи ахир дар пойтахти Русия шикоят карда афзуд: «Намедонам, ду сол боз ҳеч мушкилӣ надоштем, аммо ду рӯзи охир «сар» шуд. Ду рӯз боз дар хона шиштам, берун набаромадаам, аз ҳамсояаам, ки сокини Маскав аст, хоҳиш мекунам бароям аз мағоза хӯрокворӣ биёрад. Шояд қазияи лётчикҳо баҳона шуда бошад барои инҳо, намедонам».

 

Ҳамзамон, расонаҳои мухталиф иттилоъ медиҳанд, ки муҳоҷирони кории тоҷик дар гирифтани иҷозаи кор дар Русия ба мушкил рӯ ба рӯ шудаанд. Бархе аз ташкилоту созмонҳо ва иттиҳодияҳои тоҷикони муқими Русия ҳам гуфтаанд, ки масъулини  Хадамоти федеролии муҳоҷирати Русия бо баҳонаҳои гуногун аз додани муҷавизи кор ба шаҳрвандони Тоҷикистон худдорӣ мекунанд. Аммо Залина Корнилова, сухангӯи ниҳоди федералии мазкур ин гуфтаҳоро “иғво” хондааст.

Маврид ба ёдоварист, дар ҳоли ҳозир тибқи иттилои ғайрирасмӣ ҳудуди 1-у ним миллион шаҳрвандони Тоҷикистон дар Федератсияи Русия кору зиндагӣ доранд. Пас аз эълони ҳукми ду ҳалабони рус дар шаҳри Қӯрғонтеппаи вилояти Хатлон вакилони Думаи Русия ва чанд нафар аз роҳбарони ҳукумати Русия иброз доштанд, ки дар сурати бознигарӣ нашудани ҳукми ҳалабонҳо «аз роҳҳои дигар» кор хоҳанд гирифт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!