Михаила Норок, аксбардори руминиягӣ, ки ба таҳияи “Харита ё худ Атласи зебоӣ”-и ҷаҳон машғул аст, акси сабзавотфурӯши тоҷикистониро дар ин харита ҷой додааст.
Норок, аксбардори ҷаҳонгард, ки тайи се соли охир аз 45 кишвари ҷаҳон боздид кардааст, аз акси занони оддӣ дар муҳити рӯзмарра, “Харитаи зебоӣ”-ро таҳия дорад.
Норок акси сабзавотфурӯши тоҷикистониро дар харитаи зебоияш нашр карда, шарҳ додааст, ки миллати ин духтар узбак буда, аксаш тобистони соли гузашта гирифта шудааст. Ӯ афзудааст, ки занон аз Перу то Тоҷикистон дар баробари умумиятҳо инчунин зебогии хоси худро доранд ва изҳори умед кардааст, ки занон дар талоши тақлиду монандӣ ба дигарон аз асли хеш дур намешаванд.
Қаблан Норок дар “Харитаи зебоӣ” акси Мунира Мирзоева, гулпарвари тоҷикро зери унвони “Кӯчарӯби зебои Душанбе” нашр карда буд.
Лоиҳаи ин аксбардор дар шабакаи интернет миллионҳо ҳаводор пайдо намудааст ва ӯ изҳор медорад, ки соли оянда осорашро дар шакли китоб нашр хоҳад кард. Чанд акси Норок аз кишварҳои гуногуни ҷаҳон:
Чин
Эфиопия
Исландия
Ҳиндустон
Эрон
Непал
Кореяи Шимолӣ
Булғористон
Тоҷикистон
Туркия
Тоҷикистон
Мӯҳр