Убайдуллоев дар бораи Рӯзи Президент: Зарураташро вақт нишон медиҳад
Маҷлиси Миллӣ, палатаи болои парлумони Тоҷикистон тағйирот ба қонун “Дар бораи рӯзҳои ид”-ро қабул намуд, ки бар асоси он 16 ноябр ҳамчун «Рӯзи Президенти Ҷумҳурии Тоҷикистон» ҳамасола таҷлил карда мешавад.
Қаноатшо Лоиқзода, узви Маҷлиси Миллӣ, зимни муаррифии ин тағйирот гуфт, он ба қонунгузории Тоҷикистон ва меъёрҳои байналмилалӣ мухолифат надорад. Дар назар аст, ки Рӯзи Президент бидуни истироҳат ва хароҷоти иловагӣ аз буҷа таҷлил мешавад.
Маҳмадсаид Убайдуллоев, раиси Маҷлиси Миллии Тоҷикистон дар шарҳи роҳандозии Рӯзи Президент гуфт, “шояд мо зарурати ин қонунро ҳоло пурра дарк накардаем, вале дилхоҳ қонун барои ваҳдат ва сулҳу субот қабул мешавад”. Ӯ изҳори боварӣ намуд, ки бо гузашти айём ҷомеа боз зурурати ин қонунро дурусттар дарк хоҳад кард ва ба он боз баҳои баландтар хоҳад дод.
Раиси Маҷлиси Миллӣ барои сулҳу ваҳдат зарур хонд, ки ҷомеа атрофи як идея ҷамъ бошад: “Бе муҳобот метавонам гӯям, ки мардум аз ин раванд ҷонибдорӣ карда истодаанд”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |