Русский  >>  فارسی  >>  Якшанбе 11 декабр 2016, 18:51

35 ҳазору 361 нафар дар ҷумҳурӣ мақоми бекориро гирифтанд

11 ноябр 2011, 11:00

Дар 9 моҳи соли ҷорӣ ба мақомоти давлатии шуғли аҳолӣ 85043 нафар шаҳрвандон доир ба масъалаҳои шуғл муроҷиат намудаанд, ки аз ин ба 35361 нафар мақоми бекорӣ дода шудааст.


Дар ин бора Ниёзбек Қурбонов, сардори раёсати шуғли аҳолии назди вазорати меҳнат ва ҳифзи иҷтимоии аҳолӣ ба хабаргузории “Озодагон” иттилоъ дод. Тавассути татбиқи чорабиниҳои Барномаи мусоидат ба шуғли аҳолӣ дар маҷмўъ 26.619 нафар шаҳрвандон бо ҷойҳои корӣ таъмин гардиданд, ки 92,1 фоизи нақшаи барномаро ташкил медодааст. Аз ҷумла, ба воситаи ҷойҳои кории бандшуда (квотаҳо) 2.347 нафар ва тавассути ташкили корҳои фардӣ 2.298 нафар соҳиби ҷойи кор шуданд. Ба 3.808 нафар бинобар аз даст додани ҷойи кор ба муддати аз 3 то 6 моҳ кўмакпулӣ барои бекорӣ пардохт гардидааст. Аз ҳисоби ҳамаи сарчашмаҳо дар ҷумҳурӣ дар ин муддат 114. 728 ҷойҳои кории нав таъсис ёфтаанд.

-Бо мақсади мусоидат барои дарёфти ҷойи кори муносиб ба шаҳрвандон аз ҷониби мақомоти шуѓли аҳолӣ дар ин давра 517 ярмаркаи ҷойҳои кории холӣ ва вазифаҳои озод гузаронида шуда, 4819 нафар корҷўён дар ин ярмаркаҳо соҳиби ҷойи кор гардиданд,- афзуд манбаъ.

Ёдовар мешавем, ки тибқи маълумоти агентии омор шумораи аҳолии дар иқтисодиёт фаъол аз рўи баҳои пешакӣ дар моҳи июни соли 2011-ум 2 152,4 ҳазор нафарро ташкил медо, ки аз ин теъдод 2 098,1 ҳазор нафар (97,5 фоиз) дар соҳаҳои иқтисодиёт машғул буда, 54,4 ҳазор нафар расман мақоми бекорӣ гирифтаанд, ки 2,5 фоизи аҳолии дар иқтисодиёт фаъолро ташкил медиҳад. Дар муқоиса ба ҳамин давраи соли 2010 шумораи аҳолии дар иқтисодиёт фаъол 19,7 ҳазор нафар афзоиш ёфтааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!