Русский  >>  فارسی  >>  Душанбе 5 декабр 2016, 13:33

Суғд: Донишҷӯёну аспирантҳои шимоли кишвар аз ҷониби ҳукумати вилоят дастгирӣ меёбанд

14 ноябр 2011, 07:25

Қоҳир Расулзода, райиси вилояти Суғд санади вижаро «Дар бораи муқаррар намудани стипендияи раиси вилоят барои соли хониши 2011 - 2012» ба имзо расонд.


Бояд гуфт, ки тибқи қарори мазкур бо мақсади ҳавасмандкунӣ, дастгирии моддиву маънавии донишҷӯёну аспирантони фаъоли мактабҳои олӣ ва миёнаи махсуси вилоят стипендияи раиси вилоят барои соли хониши 2011 – 2012 таъсис дода мешавад.Ин ҳам дар ҳолест, ки интихоби довталабон барои гирифтани стипендияи раиси вилоят дар асоси озмун ба роҳ монда, сатҳи дониши сиёсӣ, ҳуқуқӣ, тахассусӣ, иштирок дар корҳои ҷамъиятӣ, натиҷаи корҳои илмӣ, эҷодӣ ва дониши забонҳои хориҷии довталабон санҷида мешавад.

Гуфтанист, ба озмун донишҷӯёни курсҳои 2, 3, 4, ки аз тамоми фанҳои таълимӣ 75 фоиз баҳои аъло гирифта, дар корҳои ҷамъиятӣ ва ё тадқиқотҳои илмӣ фаъолона иштирок менамоянд, инчунин диплом ё дигар ҳуҷҷатҳои ғолибони олимпиадаҳои ҷумҳуриявию байналмилалиро доро ҳастанд, пешниҳод мегарданд. Барои донишҷӯёни мактабҳои олӣ 64 стипендия, барои донишҷӯёни миёнаи махсус 18 стипендия ҷудо гардида,  ҳар моҳ ба маблағи 80 сомонӣ ва  ба маблағи 100 сомонӣ барои 18 аспирантон стипендия дода мешавад.Дар ин бора ба хабарнигори маҳаллии «Озодагон» аз Хадамоти матбуотии раиси вилояти Сугд иттилоъ доданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!