Суҳбати Шабнаму Ҷонибек: Аз орзуи дуэт бо Пугачёва то шавқи ҳуқуқшиносии духтараш
Шабнами Сурайё, овозхони маъруфи тоҷик, ки ҳамроҳи Ҷонибеки Мурод бо сафари ҳунарӣ дар Русия қарор дорад, дар суҳбат бо “Спутник” гуфтааст, орзуяш хондани дуэт бо ҳамтои русаш Алла Пугачёва мебошад.
Ӯ гуфтааст, барояш тахаллуси “примадонаи тоҷик”, ки бархе аз ҳамватанон ба ӯ нисбат додаанд, маъқул аст ва орзу дорад, бо Пугачёва-“примадонаи рус” якҷо сурудеро иҷро кунад.
Шабнам ва Ҷонибек тайи ду рӯзи гузашта дар Маскаву Санкт Петербург консерт намоиш доданд, вале консерти сеюмашон, ки имрӯз, 25-уми май дар Екатеринбург дар назар буд, бо баъзе сабабҳо баргузор нашудааст.
Шабнами Сурайё далели интихоби ин се шаҳрро барои баргузории консертҳо ҳузури тоҷикони зиёд дар қаламрави онҳо гуфтааст. Ӯ яке аз сабабҳои шуҳраташон дар хориҷи кишварро ба он рабт додааст, ки форсӣ минтақаи васеъ, аз ҷумла Афғонистону Эронро фаро гирифтааст: “Онҳо сурудҳои маро мефаҳманд, барояшон писанд аст, ки ман ба форсӣ мехонам”.
Зимни суҳбат дар мавриди оила Шабнами Сурайё илова кардааст, ки духтараш бар хилофи модар, модаркалон ва холааш мехоҳад ҳуқуқшинос шавад: “Барояш овозхониям писанд ҳаст, аммо худаш ният дорад, ки дар оянда ҳуқуқшинос шавад”.
Ҷонибек Мурод изҳор доштааст, ки гарчанде бо Шабнам дер боз шиносанд, сафари ҳунарии муштаракашон онҳоро боз ҳам наздиктар кардааст: “Ӯ яке аз беҳтарин овозхонҳост ва ҳамкорӣ бо ӯ хуб аст. Мо ахиран аз Канада баргаштем ва имсол ҳудуди 40-50 консерти муштарак дар Аврупо, Австралия ва дигар нуқоти ҷаҳон дорем”.
Ҷонибек афзудааст, ки моҳи Рамазон истироҳат хоҳанд дошт ва баъдан сабти суруду клипҳо барои албоми навашонро идома хоҳанд дод. Шабнами Сурайё илова кардааст, ки ният дорад дар баробари “Только ты и я" чанд суруди дигарро низ бо забони русӣ сабт кунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |