Хадамоти федеролии амнияти Русия (ФСБ) бародарони тоҷик, Беҳруз ва Фирдавс Ҷӯраевро барои қасди пайвастан ба “ДИИШ” боздошт карда, бо қарори додгоҳ ба Тоҷикистон ихроҷ кардааст.
Тибқи иттилои мақомоти Русия бародарони 20-сола дар минтақаи Краснодар ба сохтмон машғул шуда, ҳамзамон нақшаи пайвастан ба “ДИИШ”-ро тарҳрезӣ кардаанд: “Бо таъсиси як гуруҳ дар шабакаҳои иҷтимоӣ нияти пайвастан ба ДИИШ –ро баррасӣ карда, барои амалӣ кардани нақшаҳои худ маошро пасандоз менамудаанд”.
Ба иттилои манбаъ дар баробари бародарон Ҷураевҳо инчунин ду зодаи Тоҷикистон ният доштаанд ба Сурия бираванд: “Феълан ҳамаи муттаҳамон дар қасди пайвастан ба “ДИИШ” ба Тоҷикистон ихроҷ шуда, далелҳои парванда ба ихтиёри мақомоти тоҷик дода шуданд”.
Ин қазия дар ҳолест, ки Раҳмат Мирзоев, саркори тоҷикони боздоштшуда дар суҳбат бо “Вести” Ҷураевҳоро оромтабиат ва заҳматкаш муаррифӣ карда, изҳор доштааст, ки қаблан нисбати онҳо ҳеч шикояте набуд. Гузориши “Вести” дар бораи боздошти Ҷӯраевҳо:
Мӯҳр