Тавсифи шайхи араб аз боғи Алимардон ва ваъдаи қаср ба депутатҳои тоҷик
Муродалӣ Алимардон, собиқ ноиби сарвазири Тоҷикистон дар умури кишоварзӣ, ки бо чорвою боғдорӣ маъруф аст, 26 май Абдуллоҳ ибни Муҳаммад ибни Иброҳим оли Шайх, раиси Маҷлиси Шӯрои шоҳигарии Арабистони Саудиро ба боғи худ-хоҷагии “Баракат”-и Ҳисор бурдааст.
Тибқи иттилои манобеи “Озодагон” раиси парлумони Арабистони Саудиро дар сафар ба Ҳисор Шукурҷон Зуҳуров, раиси Маҷлииси намояндагони Тоҷикистон ҳамроҳӣ мекунад.
Манбаъ афзуд, Абдуллоҳ ибни Муҳаммад ибни Иброҳим оли Шайх аз меваҳо ва аспҳои зоти тоҷикии хоҷагии Баракат тавсиф карда, хостори тиҷорати мева миёни ду кишвар шудаст. Масъулини “Баракат” иттилоъ додаанд, ки дар хоҷагӣ аз ҷумла 48 гектар себ, 43 гектар гелос дарахтони ангур ва беш аз 30 аспи зоти тоҷикӣ доранд. Афзудаанд, ки соли гузашта 15 ҳазор тонна ангур ба кишварҳои Афғонистон, Покистон ва Русия содир намудаанд.
Абдуллоҳ ибни Муҳаммад ибни Иброҳим оли Шайх инчунин бо Маҳмадсаид Убайдуллоев, раиси парлумони Тоҷикистон мулоқот карда, омодагии кишварашро барои маблағгузории бунёди маҷмааи парлумонӣ баён доштааст. Тибқи иттилои масъулини Кумитаи меъморӣ бунёди қасри парлумон дар рӯбарӯи Боғи Рӯдакӣ дар ҷои бинои шаҳрдорӣ ва вазорати кишоварзӣ дар назар аст.
Қаблан Эмомалӣ Раҳмон, раисиҷумҳури Тоҷикистон аз шароити кории аъзои ду палатаи парлумони кишвар интиқод карда, изҳор дошта буд, ки биноҳояшон дар ҳолати фарсуда қарор доранд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |