“Россия 1” иштибоҳан Узбакистонро боз Тоҷикистон муаррифӣ кард (АКС)
Журналистҳои Узбакистон аз телевизионҳои давлатии Русия интиқод кардаанд, ки боз кишварашонро иштибоҳан Тоҷикистон муаррифӣ намудаанд.
Шабакаи телевизионии “Россия-1” 25-уми май дар барномаи хабарии “Вести”, ҳангоми гузориш аз натиҷаи ҷаласаи вазирони умури хориҷии Созмони Ҳамкории Шанхай дар Тошканд иштибоҳан Узбакистонро Тоҷикистон муаррифӣ кард.
Дар ин барнома дар лаҳзаҳое, ки Сергей Лавров, вазири умури хориҷии Русия аз натиҷаҳои ҷаласаи Тошканд гузориш медод, “Россия 1” дар зерхат макони баргузории ҷаласаро Тоҷикистон нишон дод.
Расонаҳои Узбакистон мегӯянд, ин бори аввал нест, ки телевизионҳои Русия кишварашонро иштибоҳан Тоҷикистон муаррифӣ мекунанд.
Зикр шуд, ки ровӣ Дмитрий Губерниев зимни муаррифии кишварҳои иштирокдори олимпиадаи зимистонаи Сочӣ Узбакистонро Тоҷикистон номид. Аз ин пештар Гугл Самарқанду Бухоро, шаҳрҳои таърихии тоҷиконро, ки феълан дар Узбакистонанд, ҳамчун қаламрави Тоҷикистон нишон дод, аммо баъдан ислоҳ намуд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |