Русский  >>  فارسی  >>  Якшанбе 4 декабр 2016, 21:15

Райиси ҲНИТ аз печидагии қазияи халабонҳо ва муҳоҷирони корӣ дар ташвиш аст

14 ноябр 2011, 11:06

Ба муҳоҷирони тоҷик, ки дар Русия ба сар мебаранд, рабт додани қазияи ду халабони рус  моро нигарон кардааст, мегӯяд Муҳиддин Кабирӣ, раиси ҲНИТ ва вакили парлумони Тоҷикистон.


Номбурда дар нишасти хабарӣ, ки имрӯз, 14-уми ноябр дар қароргоҳи ҲНИТ сурат гирифт, иброз дошт, ки амали ҷавобии ҷониби Русия болотар аз интизориҳои коршиносон сурат гирифт. Муҳиддин Кабирӣ мегӯяд, ин масъала мебояд дар чорчӯби равобити дипломатӣ баррасӣ мегардид. Раиси ҲНИТ гуфт, ҳукуматҳои ду кишварро зарур аст дар навбати аввал барои аз ҳам ҷудо намудани баҳси халабонҳо ва муҳоҷирон талош варзанд.

Ёдовар мешавем, як рӯз қабл ҲНИТ бо пахши изҳороте нигаронии худро аз мушкили ба сари муҳоҷирон омада, дар пайи ҳукми ду халабон изҳор намуда буд. Зимнан, қарор аст, рӯзи чоршанбе МН МО ин масъаларо ба баррасӣ бигирад. Ҳамчунин, ба гуфтаи Кабирӣ эҳтимол як ҳайати мураккаб аз шумули вакилони тоҷик рӯзи чоршанбе ҷиҳати ширкат дар Шӯрои ҷамиятии Думаи давлатии Русия ба он кишвар сафар кунанд. Гуфтанист, баъди эълони ҳукми суди Қӯрғонтеппа, ки ду халабони Русияро бо иттиҳоми убури марз ва қочок ба 8,5 сол равонаи зиндон кард, расонаҳо аз боздошт ва ихроҷи муҳоҷирони кории тоҷик дар Русия иттилоъ доданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!