Русский  >>  فارسی  >>  Душанбе 5 декабр 2016, 21:32

Пас аз 33 соли ҳукмронӣ Алӣ Абдуллоҳ Солиҳ низ ба истеъфо меравад

15 ноябр 2011, 09:30

Президенти Яман Алӣ Абдуллоҳ Солиҳ эълон кард, ки дар давоми 90 рўзи оянда аз сари қудрат меравад.


Ў дар мусоҳиба бо шабакаи телевизионии «Фаронса – 24» гуфт: «Он чӣ дар мавриди пофишории ман ба идомаи ҳукумат рондан мунташир мешавад, дуруст нест. Ман омодагӣ дорам тайи 90 рўз пас аз имзои тарҳи Шўрои ҳамкории кишварҳои Халиҷ аз қудрат канор биравам.

Аз сўйи дигар, мухолифонаш эътирозу роҳпаймоиҳоро идома дода,  Абўбакр Бозиб аз раҳбарони мухолифи Солиҳ дар гуфтугў бо шабакаи «Ал-арабия» изҳор дошт, ки Солиҳ аз имзои тарҳи Шўрои ҳамкории Халиҷ барои поён додан ба бўҳрони ҷорӣ худдорӣ мекунад. Алӣ Абдуллоҳ Солиҳ алорағми мувофақати аввалия бо тарҳи кишварҳои арабии Халиҷ то кунун чандин бор аз имзои тарҳ худдорӣ кардааст.Ин тарҳ ҷадвали замонбандишудаи мушаххасеро барои канорагирии тадриҷии Солиҳ аз қудрат ва ташкили Шўрои миллӣ, сипас баргузории интихобот ироа мекунад.

Имсол дар пайи инқилобҳои мардумӣ дар кишварҳои арабӣ Зайнулобидин бин Алӣ - президенти Тунис ба Арабистони Саудӣ фирор кард, Ҳуснӣ Муборак – раисҷумҳури Миср ба истеъфо рафт ва Муаммар Қаззофӣ – президенти Либия кушта шуд. Ба назари коршиносон акнун навбати президентҳои Яман ва Сурия фаро мерасад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!