Аслиддин Иброҳимзода, як ҳамватанамон, ки алъон дар Маскав ба корҳои сохтмонӣ машғул аст, мегӯяд: «Ду ҳафта мешавад, ки дар Русия вазъияти муҳоҷирон хеле бад аст, лётчикҳои руса дар Қӯрғонтеппа зиндон карданд, полис ва корфармоҳои мо бошанд, аз вазъият истифода карда, бо ҳар баҳона ва бо ҳар роҳ муҳоҷирҳорои тоҷикро аз Русия ихроҷ мекунанд». Ӯ афзуд, тайи ду соли охир муносибати русҳо бо муҳоҷирони тоҷик он қадар бад набуд, бе ҳеч тарсу ваҳм кор мекардем, мегаштем, вале пас аз ҳабс шудани халабони рус дар Тоҷикистон нисбати муҳоҷирони тоҷик бадбинӣ бисёртар шудааст.
Ҳамзамон, Умар Шукуров, муҳоҷири дигари тоҷик бо василаи интернет ба хабаргузории «Озодагон» навишт, ки: «Соли панҷум аст, ки барои дарёфти қути лоямут ба Русия ба мардикорӣ меоям.Дар ин муддат мушкилиҳои зиёдеро паси сар кардем, вале имрӯз мушкилии дигаре пеш омадааст, аз тарс ба берун баромада наметавонем». Умар мегӯяд, як рафиқам, ки дар «Столичний Институт», дар шаҳри Маскав мехонад, боздошт шуда қариб ба Тоҷикистон депортатсия мешуд.
-Ҳуҷҷатҳои ӯро дарронда, эълон кардаанд, ки ту ҳуҷҷат надоштӣ, барои ҳамин ихроҷ мекунем,- дод мезананд полисҳо. Шукуров илова мекунад, ки хайрият рафиқам 2000 рубл дошт, вагарна ҳам аз мактабаш мемонду ҳам бадарғааш мекарданд.
Тибқи иттилои расонаҳои хабарӣ айни замон танҳо дар як боздоштгоҳи рақами 1-и Маскав ҳудуди 450 тоҷикистонӣ дар интизори ҳукми баъдӣ нишастаанд.
Мӯҳр« Апрел 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |