Русский  >>  فارسی  >>  Панҷшанбе 8 декабр 2016, 07:04

Фаъолияти «Гурӯҳи мусоидат ба вазъи муҳоҷирон» муассир мешавад

18 ноябр 2011, 08:15

Дар шаҳри Душанбе аввалин нишасти хабарии «Гурӯҳи мусоидат ба вазъи муҳоҷирони тоҷик» сурат пазируфт.


Дар ин нишаст ҳадаф ва мақсади таъсиси гурӯҳ ва шеваи фаъолияти он барои иштирокчиён фаҳмонда шуд. Зикр гардид, ки аъзоёни гурӯҳ тасмим доранд, ба вилояти Хатлон сафар намуда бо маҳбусон Садовничий ва Руденко сӯҳбат намоянд. Ҳамчунин, як ҳайат аз ин гурӯҳ ба Русия барои мулоқот бо ҷомеаи шаҳрвандии Русия сафар хоҳад кард. Баргузории як нишасти хабарӣ дар Остона, ки маҳалли баргузории як ҳамоиши минтақаист яке аз дигар ҳадафҳои аввалиндараҷаи гурӯҳ унвон шуд.

Раҳбари созмони «Дӯстони Русия» Абдулло Ҳабибов, шоир ва журналист Тимур Варқӣ, профессор Иброҳим Усмонов, рӯҳонии саршинос Ҳоҷӣ Акбари Тураҷонзода, раҳбари созмони «Перспектива+» Ойниҳол Бобоназарова дар мавриди роҳҳои кӯмак ба муҳоҷирини тоҷики муқими Русия, ки баъди эълони ҳукми ду халабон дар Қӯрғонтеппа ба мушкил мувоҷеҳ шуданд, иброз доштанд.
Мавриди ёдоварист, «Гурӯҳи мусодат ба вазъи муҳоҷирон» шаби 14-уми ноябрбо ташаббуси иддае аз рӯзноманигорон ва равшанфикрони тоҷик таъсис ёфт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!