Русский  >>  فارسی  >>  Душанбе 5 декабр 2016, 15:31

«Гурӯҳи мусоидат ба муҳоҷирони тоҷик» муаррифӣ шуд ва теъдоди ҷонибдоронаш дар ҳоли афзудан аст

18 ноябр 2011, 10:41

Дар толори хурди мавсум ба муҷтамаи «Шарқи Озод» муаррифии гурӯҳи тозатаъсиси «Мусоидат ба вазъи муҳоҷирони тоҷик» баргузор шуд.


Зимни ҳамойиш аъзои шӯрои ҳамоҳангсоз  барномаи кор ва ҳадафҳои худро барои мусоидат ба ҳалли мушкилоти пешомада эълон намуд. Қайд гардид, ки дар марҳилаи аввал тавассути муроҷиат ба ҷомеаи шаҳрвандӣ, шахсиятҳои таъсиргузор ва расонаҳои Русия, дар ҳалли ин мушкил мусоидат намояд.

Бино ба қавли Гурӯҳ аз ҷумлаи аҳдофи аввалини онҳо, коҳиши шиддати ташаннуҷи авзоъ миёни ҷомеъаи шаҳрвандии Тоҷикистону Русия аст. Онҳо мегӯянд, ба ҳеч ҳизбу созмон ва ташкилоти сиёсӣ ҳамроҳ нестанд ва ҳадафҳои сиёсиро ҳам ба думбол надоранд.

Ёдрас менамоем, Гурӯҳи мусоидат ба вазъи муҳоҷирин шаби 14-уми ноябр дар  Душанбе аз ҷониби гурӯҳе рўзноманигорон ва рӯшанфикрон ташкил шуд. Мубтакирони он эълом дошта буданд, ки вазъи баамаломадаро, ки дар натиҷаи боздошт ва ҳукми додгох нисбати ду халабони ширкати «Rolkan Investmens Ltd» сурат гирифтааст, мавриди баррасии ҳамаҷониба қарор диҳад. Раҳбарии ин гурӯҳро Барзу Абдураззоқов, ҳунарманд ва коргардони шинохтаи тоҷик бар дӯш дорад.То кунун бархе аз шахсиятҳо ва нерӯҳои сиёсии кишвар  пуштибонии худро аз таъсиси "Гурӯҳи мусоидат ба вазъи муҳоҷирон" эълон кардаанд.
Аз ҷумла рӯҳонии саршинос  Ҳоҷӣ Акбар Тураҷонзода, академик Муҳаммадҷон Шакурӣ, шоири халқӣ Мӯъмин Қаноат, вакили МН Муҳиддин Кабирӣ, райиси ҷамъияти «Дӯстони Русия» Абдулло Ҳабибов, журналисти шинохта Муҳаммад Эгамзод (Русия), Ҳошим Холзодаи Некварз (Эрон), ҳунарманд Ортиқи Қодир, профессор Иброҳим Усмонов, ҳуқуқшинос Ойниҳол Бобоназарова ва дигарон таъсиси ин гурӯҳро дар ҳоле, ки вазъи муҳоҷирони кории тоҷик дар кишвари Русия нигаронкунанда арзёбӣ мешавад, муҳим хонда ва аз он ҷонибдорӣ карданд.

Гуфтанист, дари Гурӯҳ барои ҳаводорон ва ҷонибдорон боз буда, шаҳрвандон метавонанд ба он бипайванданд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!