Русский  >>  فارسی  >>  Сешанбе 6 декабр 2016, 01:39

Эмомалӣ Раҳмон медали тиллоии Пажуҳишгоҳи тадқиқоти ядроии Русияро гирифт

19 ноябр 2011, 05:32

Эмомалӣ Раҳмон, райисҷумҳури Тоҷикистон дар ҷамъомади тантанавӣ, ки ба 60-умин солгарди таъсиси Академияи илмҳои Тоҷикистон бахшида шуд, ширкат намуд.


Эмомалӣ Раҳмон зимни суханронӣ дар ин ҷамъомад гуфт, ки олимони тоҷик дар тадқиқоти масоили пешгирӣ аз хатари гармшавии иқлим ва таъмини дастрасӣ ба манбаъҳои алтернативии нерўи барқ, аз ҷумла нерўгоҳҳои обӣ, офтобӣ, бодӣ ва нерўи биологӣ бояд пешсаф бошанд. «Аз худ намудани чунин технологияҳо, ба хусус аз он сабаб муҳим аст, ки захираҳои нафту газ дар ҷаҳон аллакай баъди 40-50 соли дигар метавонанд анҷом ёбанд», - изҳор дошт президенти кишвар. Номбурда гуфт, Тоҷикистон барои таъмини рушди бонизоми иҷтимоию иқтисодии худ ба ҷуз сохтмону ба истифода додани нерўгоҳи Роғун ва дигар нерўгоҳҳои гидроэнергетикӣ роҳи дигар надорад. Зимни ин ҷамъомад, ҳамчунин ҷоизаҳои давлатии Ҷумҳурии Тоҷикистон ба номи Абўалӣ ибни Сино дар соҳаи илму техника дар соли 2011 ба барандагони онҳо тақдим карда шуд.Ҷоизаи давлатии ба номи Абўалӣ ибни Сино дар бахши илмҳои физикаю математика, кимиё, геология ва техника ба доктори илмҳои геологиву минералогия Далер Почоҷонов барои силсилаи корҳои Геохимияи таҳшинҳои аридӣ тақдим гардид.Дар бахши биология ин ҷоиза барои силсилаи корҳои «Асосҳои физиологии растанипарварии солонаи сареъ дар заминҳои обёришавандаи Тоҷикистон» насиби доктори илми биология Хуршед Каримов ва дар соҳаи илмҳои ҷамъиятшиносӣ ва гуманитарӣ барои силсилаи таҳқиқот дар бораи таърихи фалсафаи тоҷик ба академик Мусо Диноршоев тақдим гардид.

Ҳамчунин, директори Пажўҳишгоҳи муттаҳидаи тадқиқоти ядроии Федератсияи Русия Виктор Матвеев ба Эмомалӣ Раҳмон барои нақши намоёнаш дар пуштибонӣ аз рушди илму техникаи муосир мукофоти олии ин муассисаи илмии Русия – медали тиллоӣ тақдим намуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!