Клипи нави Нигина Амонқулова ва Дамирбек Олимов, хонандаҳои шинохтаи тоҷик дар интернет нашр шудааст.
Ин клип бар пояи таронаи “Ранҷидаӣ” таҳия шуда, оҳанги он мавригӣ гуфта мешавад. Нигина ва Дамирбек дар гузашта ҳам як таронаи мавригӣ иҷро карда буданд, ки ба таври бесобиқа шуҳрат ёфт. Ин таронаро, ки соли 2014 таҳия шуд, на танҳо тоҷикистониҳо, балки форсизабонҳо низ хуб қабул карданд ва дар шабакаҳои иҷтимоӣ аз он зиёд тавсиф шуд.