Русский  >>  فارسی  >>  Шанбе 25 феврал 2017, 21:20

Ҳалокати 2 нафар бар асари ду садамаи нақлиётӣ

22 ноябр 2011, 06:20

Садамаи нақлиётӣ дар Файзобод боис ба марги як ноболиғ шуд, ҳамчунин дар шаҳри Турсунзода як ронандаи 46-сола ҷони худро аз даст додаст.


Тавре аз раёсати бозрасии давлатии автомобилии ВКД ба «Озодагон» иттилоъ доданд, шоми дирӯз дар ноҳияи Файзобод тахминан соати 18:30 ронандаи автомашинаи «Чанху» Исломиддин Муродови 29- сола аснои ҳаракат дар километри 21-уми шоҳроҳи Ваҳдат-Рашт-Ҷиргатол бехатарии харакати роҳро таъмин карда натавониста, пиёдагарди ноболиғ Шукрулло Бадалови 5 соларо пахш мекнад. Дар натиҷа, ҷабрдида ҷароҳати вазнини ҷисмонӣ бардошта дар касалхона ба ҳалокат мерасад.

Худи ҳамон рӯз, тахминан соати 16:30 дар шаҳри Турсунзода ронандаи атомашинаи тамғаи «ДЕУ Тико» Мавҷуда Қурбоноваи 46 -сола ҳангоми ҳаракат дар километри 46-ми роҳи Душанбе-Турсунзода муқобили самти ҳаракат баромада, ба воситаи нақлиёти тамғаи «ВАЗ 21 06», ки таҳти идораи Азимҷон Сангинови 18- сола ҳаракат мекард,  бармехӯрад. Дар натиҷа, ронандаи автомашинаи тамғаи «ДЕУ Тико» Мавҷуда Қурбонова ҷароҳати сахти ҷисмонӣ гирифта дар маҳалли ҳодиса ба ҳалокат мерасад.

Ба иттилои манбаъ, шабонарӯзи гузашта дар ҷумҳурӣ 5 садамаи нақлиётӣ ба вуқуъ пайваста, 2 нафар ба ҳалокат расида, 3 тани дигар дар беморхона бистари гардидаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!