Русский  >>  فارسی  >>  Шанбе 10 декабр 2016, 04:08

Панелҳои офтобӣ ва таҷҳизоти таълимӣ ба як мактаб тақдим гардиданд

24 ноябр 2011, 10:02

Сафорати Амрико дар Тоҷикистон кӯмаки худро ба мактаби рустои Лоҷирк идома медиҳад.


Ин таълимгоҳ, ки замони ҷанги шаҳрвандӣ валангор шудаву кӯдакони маҳаллӣ дар хонаҳои шахсӣ таълим мегирифтанд, як моҳи қабл аз ин бо кӯмаки молии созмонҳои марбут ба давлати ИМА таъмиру тармим гардид.

Тавре ба хабаргузории «Озодагон» аз дафтари матбуотии сафорати ИМА дар Душанбе иттилоъ доданд, ин бор қароргоҳи дипломатии амрикоӣ дар ҳамҷоягӣ бо «Барномаи мактабҳои шарик барои Рӯҳи Амрико» ба мактаби зерин ба маблағи 13 ҳазор доллар панелҳои офтобӣ, лавозимоти тиббӣ ва ба хонандагонаш либоси зимистона тақдим карданд.

Манбаъ афзуд, дар ин баробар, миёни толибилмони ҳамин мактаб ва таълимгоҳи Пасификаи Санта- Моникаи Калифорния сӯҳбати онлайн ташкил гардид. Гуфта мешавад, «Рӯҳи Амрико» ташкилоти ғайридавлатии донориест, ки ба қисмҳои низомии ИМА, ки ба расонидани кӯмаки башардӯстона дар Ироқ, Афғонистон ва дигар давлатҳои эҳтиёҷманд кор мекунанд, ёрии оҷилӣ мерасонад.

Гуфтанист, шурӯъ аз соли 1993 то инҷониб мардуми Амрико барои дастгирии рушди соҳаҳои иқтисодиёт, тандурустӣ, маориф ва ниҳодҳои демократӣ дар Тоҷикистон беш аз 984 миллион доллар ихтисос додаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!