Ҷӯрабек Мурод: Ҳар чӣ мегӯянд, аммо оши палов тоҷикист (ВИДЕО)
Ҷӯрабек Мурод, ҳунарманди халқии Иттиҳоди Шӯравӣ дар пасманзари баҳсҳо атрофи оши палав гуфт, ин ғизо моли тоҷикон буда, онро бори нахуст Абуалӣ ибни Сино омода кардааст.
Ҷурабек Мурод, ин нуктаро дар як маҳфил иброз дошта, афзуд, ки атрофи оши палов ҳар хел гапҳо мегӯянд: “Аммо ошпазҳо бояд донанд, ки ин навъи таомро Сино омода карда он тоҷикист”.
Ӯ шарҳ дод, ки “О-об, Ш-шолӣ, П-пиёз, А-аёз, Л-лаҳм, О-оташ, В-вед” будааст. Ҳунарманди халқии Иттиҳоди Шӯравӣ ба ошпазҳо тавсия дод, дар ҳар куҷое-хоҳ Русия, хоҳ Узбакисон ва ё ҷойи дигар, ки ош пазанд, бигӯянд оши палав тоҷикист: “Абӯалӣ ибни Сино ош паловро омода кардааст.
Ин дар ҳолест, ки қаблан Узбакистон нахустин шуда ба ЮНЕСКО дархост дода буд, то оши палавро ба рӯйхати мероси ғайримоддии фарҳангии Идораи илму фарҳанги СММ шомил кунад. Тоҷикистон низ бо чунин дархост ба ин ниҳоди байналмилалӣ муроҷиат кард, ки баҳсҳои гармро дар расонаҳои интернетиву иҷтимоӣ ба миён овард.
Шамсиддин Орумбекзода, вазири фарҳанги Тоҷикистон дар мавриди оқибатҳои “кашмакаш” барои “Оши палав”, ки ҳам Тоҷикистон ва ҳам Узбакистон онро ба феҳристи мероси умумиҷаҳонии ЮНЕСКО пешниҳод кардаанд, гуфта буд, ки ЮНЕСКО метавонад, пешниҳоди ҳар ду ҷонибро қабул кунад. Вазири тоҷик қайд намуд, ки ҳарчанд Узбакистон “Оши палав”-ро пештар пешниҳод кардааст, вале ин муҳим нест ва “Юнеско” метавонад аз номи 2, 10 ва ё 12 кишвар, инро қабул кунад: “Қаблан рӯзноманигорони муҳтарам масъалаи ҷашни чавгонро бардоштанд ки чаро дигарон пешдастӣ кардаанд? Ба наздикӣ дар Ереван дар як сафари корӣ доштам ва ҳамон ҷо як мутаххасиси хеле баландпоя аз Эрон гуфт, “ЮНЕСКО” ташкилотест, ки кишварҳоро ба дӯстӣ меоварад. Ин ҷо муҳим нест, ки аз нигоҳи хронологӣ Шумо пешдастед ё дигар, муҳим нест, ки кӣ пештар пешниҳод кардааст. Муҳим рамзи дӯстӣ аст, мардумро ба ҳам овардан аст. Бояд заминаҳои дӯстияшро ба кор барем. Агар пешниҳоди Узбакистон дар мавриди “Оши палав” қабул шуд, Тоҷикистон бо он ҳамроҳ мешавад, ки мо ҳам дорем. Мисол Наврӯзро, ки Эрон ташаббускор шуд ва мо ҳам шомил астем. Мо ба Конвенсия тағййрот ворид мекунем, ки аввал пешниҳод кардан муҳим набошад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |