Human Rights Watch эътирози ҷавононро “нишонаи ҳимояти расмӣ” хонд
Кеннет Рот, раиси иҷроияи Дидбони ҳуқуқи башар гуфтааст: “Ин як танзи талх аст, ки амали як кас барои дифоъ аз озодии баён дар конфронси байналмилалӣ мунҷар ба хушунат алайҳи наздикони ӯ мешавад. Ҳамоҳангсозии ин ҳамлаҳои ҳамзамон дар якчанд шаҳр нишонаи ҳимояти расмӣ аст, чун мақомот дар мутавақиф ва маҳкум кардани онҳо кутоҳӣ мекунанд”.
Дар пайи иштироки фаъолони мухолифи ҳукумати Тоҷикистон дар нишасти САҲА оид ба ҳуқуқи инсон дар Варшава, садҳо ҷавон бо нишони эътироз назди дафтари САҲА дар Душанбе ва манзилҳои фаъолони ҳизби мамнуи наҳзати исломӣ рафта, аксҳои мухолифинро оташ задаву ба дару деворҳо сангу тухм партоб карданд.
Дар изҳороти Дидбони ҳуқуқи башар, ки чоршанбеи 28 сентябр аз Варшава нашр шудааст, инчунин даъват мешавад, ки мақомоти Тоҷикистон “иқдомотеро барои ҷилавгирӣ аз озору азияти онлайнии пажуҳишгари Дидбони ҳуқуқи башар дар Осиёи Миёна роҳандозӣ кунанд”. Гузоришгарон навиштаанд, 22 сентябр дар саҳифаҳои Фейсбук карикатураҳои Стив Свердлов пайдо шуда буд. Афзун бар ин, “рӯзҳои 23 ва 24 хабаргузории давлатии “Ховар” чандин мақоларо алайҳи Свердлов нашр кард ва ӯро дар пуштибонӣ аз терроризм муттаҳам намуд”.
Кеннет Рот дар идома гуфтааст, бо ин ҳамлаҳои сохта талош мекунанд, созмони моро хомӯш кунанд, чун мо хушунатҳои ҷиддиеро ба намоиш гузоштем: “Пиарҳои ҳукумати Тоҷикистон аз тариқи ҳамла кардан ба паёмрасонҳо дур нахоҳанд рафт, балки тааҳҳудҳои байналмилалӣ, ки Тоҷикистон имзо кардааст, бояд анҷом шаванд. Озод кардани мунтақидони зиндонии ҳукумат шомили онҳо мебошанд. Ба андозаи кофӣ бад аст, ки Тоҷикистон мунтақидони худашро зиндон мекунад, вале ҳоло ба ёварон САҲА низ ҳамла мекунад. Аъзои САҲА бояд ба ин тавҳини ошкорои озодии баён поён бидиҳанд”.
Пеш аз ин ҳам Дидбони ҳуқуқи башар ва Кумитаи Ҳелсинкии Норвеж бо пахши як изҳорот гуфтанд, ниҳодҳои ҳукуматӣ ва байниҳукуматӣ бояд буҳрони бадтар шудани ҳуқуқи инсон дар Тоҷикистонро маҳкум кунанд. Дар изҳороти муштараки ин ду созмон азҷумла гуфта шуда буд: “Амрико ва Иттиҳоди Аврупо бо кишварҳои аъзо, ҳамчунин кишварҳои узви САҲА бояд барои набуди ислоҳот таҳримҳои ҳадафманд ҷорӣ кунанд”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
