29 сен 2016 14:45Тоҷикистон / Сиёсат

Даъвои ҳамсари Р.Раҷаб алайҳи тухмзанҳо ва ваъдаи милиса: Занг мезанем

Валамат Иброҳимзода, ҳамсари Раҳматуллои Раҷаб имрӯз, 29-уми сентябр алайҳи афроде, ки дар назди хонааш ҳамоиши эътирозӣ карда, сӯи манзили зисташ тухму себ андохтаанд, ба мақомоти милисаи шаҳри Душанбе шикоят кардааст.

Хонум Иброҳимзода дар суҳбат бо “Озодагон” гуфт, аризаашро подполковник Салимзода қабул карда, изҳор доштааст, ки ба зудӣ таҳқиқи қазияро оғоз хоҳанд кард. Подполковники милиса, ки масъули кофтукоби ҷиноӣ будааст, изҳор доштааст: “Қазияро таҳқиқ мекунем. Шоҳидону ҳамсояҳоро мепурсем. Телефонатонро хомӯш накунед”.

Зуҳри 27-уми сентябр гуруҳе аз ҷавонон бо як автобус ба назди хонаи Раҳматуллои Раҷаб, узви зиндонишудаи Раёсати Олии ҳизби дар Тоҷикистон мамнуи наҳзати исломӣ дар кӯчаи Аттор 50 омада, хона ва дару деворашро бо тухмҳо зада, дар назди хонааш овезаву плакатҳоро оташ задаанд.

Дар ин бора ба “Озодагон” Валамат Иброҳимзода иттилоъ дода, бо овози гиряолуд афзуда буд: “Дар як автобус қариб 30-40 нафар омаданд. Дар сари куча фуромаданд, омаданд, ячейкаи тухмро заданд, шатта қати дарро заданд, плакатаро сӯзонданд. Як хона сағераи бепадар дорем, ҳама талхакаф шуд дар ин хона. Ин чӣ гап аст?”

Валамат Иброҳимзода изҳори умед кард, ки мақомот муроҷиаташро мунсифона баррасӣ хоҳанд кард.

Аз ин пештар гуруҳи ҷавонон, ки худро ҷавонони фаъоли Тоҷикистон ном мебаранд чунин эътирозҳоро дар назди хонаи Саидумар Ҳусайнӣ, муовини зиндонии раиси ҲНИТ ва дар назди хонаи Сайид Абдулоҳи Нурӣ, раҳбари фақиди ҲНИТ низ барпо кардаанд. Ба иддаои ин ҷавонони муътариз фарзандони Ҳусайнӣ ва Нурӣ дар ин ҷаласаи САҲА ширкат кардаанд.

Мӯҳр

Хабарҳои монанд:

Хакикат

Шармам омад дар чунин ватан умр басар мебарам!

Ҷавоб диҳед Иқтибос Шикоят

Мусофир

Ман фикр мекунам инчо сахначаи театри кукла (Лухтак) аст ки ин "Кукла"-хо дасту пояшон бо ресмон баста шудааст ва аз тарафи дигарон идора карда мешавад. Дируз ин хонум гуфта буд ки ба касе шикоят намебарам чун инхо хамаш ташкилшудааст... аз дируз то имруз чи ходиса шудааст ё банди ин "Лухтак"-ро кашидаанд то ки ин коро анчом дихад. Худро ба назди ин подполковник барад ин сенарияи тархрезишударо ичро кунад.

Ҷавоб диҳед Иқтибос Шикоят

Эртугрул

моро намегу аз шарм мегум тухмфуруширо бас карда бравм калаи мургоро бкнам

Ҷавоб диҳед Иқтибос Шикоят

salim

...Agar saaacht kobed Surathoyshonro dar gazetaho meebed?...Nekem boz gazetavu jurnal kofta gashtanash ham kin-daaa!?-e tongue

Ҷавоб диҳед Иқтибос Шикоят

Човиддон

Мухтарам Чавонони фаъоли Точикистон магар рохи Сафорати Варшава-ро хато гирифтен?. Хама - амон дар Хона Модар дорем...

Ҷавоб диҳед Иқтибос Шикоят

Чавонмард

Модари азиз авалан сабру токати чамил хохонам ва ин амали тухмзанхоро дида хеле нафратам омад албата онхо бо ин амалашон исбот кард,ки аз тухми зан будааст вагарна чавонмардон инкорро намекард.хайфи шумонбарин чавон наход то ин дарачая одами паст шудетон акалан аз вичдонатон шарм кунед.Эй касоне,ки ин сахначахоро таёр мекунед ва чавононро мачбури ба сахнача хамрох мекунед бидонед,ки шумо инсофро ба мансаб адолатро бар тарс ватанро бар нафс садокатро ба маломат додед,ва албата рузе мешавад аз ин амали худ пурсида мешавед он вакт пушаймони надорад суд.ана хамин чавоно рузе хакикатро ба гуши мардум мерасонад.Эй чавоно дарсхоро чи тавр шумо як су гузоштед бояд шуморо аз руи конун хорич кунад зеро шумо чавони милатдусту гамхор нестед.аз хасрат намедонам чи гуям.Инсофу МАрдиро фаромуш накунетон шд.

Ҷавоб диҳед Иқтибос Шикоят

шейх

ваъдаи милиса: санг мезанем

Ҷавоб диҳед Иқтибос Шикоят

Эзоҳ илова кунед