30 сен 2016 17:19Тоҷикистон / Сиёсат

Коршинос: Осиёи Марказӣ хатти интиқоли героин аз Афғонистон ба Русия

Мақомоти қудратии Русия мегӯянд, нашъаҷалобон қисми асосии маводи мухаддиро аз тариқи хоки Тоҷикистону Қирғизистон ва Қазоқистон ба ин кишвар ворид мекунанд.

Пойгоҳи хабарии iarex.ru дар матлабе навиштааст, наркобаронҳо аз Афғонистон тавассути Тоҷикистону Қирғизистон ва Қазоқистон маводи мухаддиро ба Русия ворид мекунанд. Ба иддаои муаллифи ин навишта, Қазоқистон охирин дарвозаи наркобаронҳо аст, ки қисми зиёди маводи мухаддир аз ин тариқ вориди хоки Русия мешавад. Муаллиф дар ин матлаб аз қавли Андрей Храпов, сардори раёсати мубориза бар зидди маводи мухаддири Вазорати умури дохилии Русия менависад, “агар аз маводи мухаддир афюнро гирем, қисмати аз ҳама хавфноктараш аз Афғонистон мебарояд”.

Ин мақоми қудратии Русия ба таври возеҳ ишорат мекунад, ки барои мубориза бо ин падида ҳамеша бояд талош кард ва роҳҳои интиқоли онро баст.

Дар расонаҳои Русия ҳатто ба ин нукта ишора мешавад, ки маводи синтетикии нашъовар аз Чин низ тариқи кишварҳои Осиёи Миёна ба Русия ворид мешавад. Сиёсатшиноси рус Андрей Сенерко вазъияти интиқоли маводи мухаддир ба Русияро шаҳр дода, афзудааст, “хатти интиқоли маводи мухаддир аз Афғонистон тавассути Тоҷикистон, Қирғизистон ва Қазоқистон мегузарад. Ин хабар нест. Ин яке аз самтҳо ва воситаҳои асосии интиқоли маводи мухаддир аз Афғонистон дар сайтараи кишварҳои собиқ Шӯравӣ аст. Ба ин силсила, на танҳо гуруҳҳои ҷинояткори чанд кишвари Иттиҳоди давлатҳои мустақил, балки неруҳои дохилӣ низ ҳамроҳанд. Бе сарпаноҳи қавию бонуфуз дар ниҳодҳои давлатӣ ва мақомоти ҳифзи ҳуқуқи Қирғизистону Қазоқистон интиқоли маводи мухаддир аз Афғонистон корест номумкин”.

Бори аввал нест, ки мақомоти Русия ва коршиносонаш кишварҳои Осиёи Марказиро ҳамчун хатти интиқоли маводи мухаддир муаррифӣ мекунанд. Дар чанд соли ахир борҳову борҳо ин масъала аз сӯйи расонаҳои ин кишвар матраҳ шудааст. Ҳамчунин боздоштҳои шаҳрвандони алоҳиди ин кишварҳо ба ҷурми интиқоли маводи мухаддир ба ин кишвар на як бору ду бор расонаӣ шудааст.

Ораши РУСТАМ

Мӯҳр

Хабарҳои монанд:

Точик

Чаро Узбакистонро ин Русхо намегуянд? Аз хама зиёд аз Афгонистон ба сархади Узбакистон мегузарад ки Точикистон Киргизхо хабар намеёбанд.Бо Точикистон хозир нест факат бо Узбакистон буд ва хаст.

Ҷавоб диҳед Иқтибос Шикоят

тарзан

русхо вакте сархади моро мухофизат мекарданд худашон ин коро мекарданд бо бахонаи сархадбони.онхоро аз сархад ронданд харчиро бахона мекунанд

Ҷавоб диҳед Иқтибос Шикоят

мехмон

Маводи мухаддир картошка нест, ки хар одам фурушад . Аз Афгонистон то ба Руссия як хатсайри махсус хаст ва ин хатсайр нигохбон, корвон ва сорбони худро дорад. Хатто кормандони умури дохила ва сархадбонони Руссия низ ба ин алокаманди доранд.

Ҷавоб диҳед Иқтибос Шикоят

Точик

Хамаи наркотики Афгонистон аз марзхои Узбакистон мегузашту мегузарад.

Ҷавоб диҳед Иқтибос Шикоят

Эзоҳ илова кунед